Mádenıet jáne aqparat mınıstrligi jas qalamgerlerge arnalǵan «Erlik pen eńbek dastany» atty avtorlar baıqaýyn ótkizedi, dep habarlaıdy “Adyrna” ulttyq portaly.
Aqparat mınıstri Aıda Balaevanyń aıtýynsha, baıqaý daryndy avtorlarǵa qoldaý bildirip, qoǵamdaǵy eńbek mamandyqtarynyń mańyzyn ashýdy maqsat etedi.
«Bul baıqaý kásibı sheberligimen qajyrly qyzmet etip, elimizdi damytýǵa zor úles qosyp júrgen tulǵalardy ulyqtaýǵa múmkindik beredi. Atap aıtqanda, muǵalimder, dárigerler, kenshiler, fermerler, qurylysshylar, jýrnalıster, mýzykanttar, kitaphanashylar jáne taǵy basqalardyń eseli eńbekterin kópke nasıhat etedi», - dep jazdy mınıstr.
Jarys jeńimpazy kelesi jyly, ıaǵnı 2025 jyly Respýblıka kúninde anyqtalady.
«Qazaqstan Respýblıkasynyń mádenıet jáne aqparat mınıstrligi eń úzdik kitapty basyp shyǵaryp, el boıynsha taratady. Ótinishter osy jyldyń 1 qazanynan bastalady», - dep jazdy Balaeva.
