Basty bet
Şyǧarmaşylyq
«Qalamger ūstahanasy». Astanada körnektı jazuşy-dramaturg Roza Mūqanovamen kezdesu öttı

«Qalamger ūstahanasy». Astanada körnektı jazuşy-dramaturg Roza Mūqanovamen kezdesu öttı

07.11.2025

930

https://adyrna.kz/storage/uploads/9Xz2bvN7fERtzjdJ62CXiefs6mWBB416WeAbMIzj.jpg

Astana qalasy Tılderdı damytu jäne arhiv ısı basqarmasynyŋ qoldauymen jüzege asyp kele jatqan Qazaqstan Jazuşylar odaǧy Astana filialynyŋ «Qalamger ūstahanasy» jobasy aiasynda bügınge deiın 7 qalamger ärtürlı taqyrypta därıs oqydy. Segızınşı bolyp körnektı jazuşy-dramaturg, Abai atyndaǧy Memlekettık syilyqtyŋ laureaty Roza Mūqanova täjıribesımen bölıstı, dep habarlaidy "Adyrna" ūlttyq portaly elorda äkımdıgınıŋ resmi saityna sıltep.

«Qazaq dramaturgiiasy: siujet, ideiasy jäne körkemdık täsıl» atty därısı №5 qalalyq balalar kıtaphanasynda ötıp, oǧan qala äkımınıŋ orynbasary Eset Baiken qatysty

Därıstı aşyp bergen Jazuşylar odaǧynyŋ Astana filialynyŋ direktory, belgılı aqyn Bauyrjan Babajanūly būl joba jyl aiaǧyna deiın jalǧasatynyn atap öttı. Jalpy elorda äkımdıgı astanalyq qalamgerlerge köp qoldau körsetıp kele jatqanyn, «Qalamgerler ūstahanasymen» qatar jas qalamgerler arasynda kuiz ötkızu qolǧa alynǧanyn aitty.

Osydan keiın söz alǧan Roza Mūqanova ädebietke qalai kelgenın äŋgımeledı.

«Özge qalamgerler siiaqty men de ädebietke qūştarlyqpen keldım. Ädebiet arman, maqsat boldy. Osy ülken jolda maǧan yqpal etken, ädebietke qūştarlyqty oiatqan menıŋ äkem – Qajyǧalym Qajybaiūly Mūqanov. Ol kısı öz zamanynda auyl-auyldy aralap, halyq auyz ädebietın jinady.
 
Zerttelmegen, aitylmai jatqan, kömeskılenıp jatqan dünielerdı jinaumen äuestendı. Aitys aqyndaryn, äsırese Äsettıŋ qoljazbalaryn el ışınen jinady. Söitıp ǧylym akademiiasyna tapsyryp jürdı. Äkemnıŋ ädebietke degen mahabbaty, ädebietke qūştarlyǧy menı de qūştar ettı», – dedı Roza Mūqanova.

Qalamger därısı ekı saǧatqa sozylyp, tyŋdauşylar ädebiet jaiynda, Roza Mūqanovanyŋ şyǧarmaşylyǧy jönınde, onyŋ zamandas jazuşylary turaly qyzyqty mälımetterge qanyqty.