Qazaqstan Respýblıkasy táýelsizdiginiń 30 jyldyǵyna oraı, «Nur-Sultan qalasynyń Jastar saıasaty máseleleri basqarmasy» MM qoldaýymen Internattan keıingi jetim balalar men ata-anasynyń qamqorlyǵynsyz qalǵan balalardy beıimdeý jáne qoldaýǵa arnalǵan is-sharalar kesheni» jobasy aıasynda, Halyqaralyq «Qazaq tili» qoǵamy Nur-Sultan qalasy fılıalynyń uıymdastyrýymen, jasóspirimder men jastar arasynda esse jáne óleń baıqaýy ótedi.
Baıqaýdyń maqsaty:
- Táýelsiz Qazaq eliniń ǵalamdyq órkenıet pen mádenıet bıiginde alar ornyn shyǵarmaǵa arqaý etý, nasıhattaý;
- Jas qalamgerler arasynan tyń talantttardy anyqtaý;
- Qazaqtyń ulttyq ádebıetiniń izin jalǵaıtyn óskeleń urpaqtyń shyǵarmashylyq ónerine qoldaý kórsetý;
- Ǵasyrlar boıy babalar armany bolǵan egemendik pen erkindikke jetken búgingi jas, táýelsiz elimizdiń irgetasyn odan ári bekemdeý, qazaq tiliniń mártebesin asyrý búgingi jas urpaqtyń qasıetti paryzy ekenin tereńirek uǵyndyrý.
- El erteńi sanalatyn jastar men jasóspirimderdiń boıynda patrıottyq sezimderin oıatyp, beıbitshilik pen berekeli ómirdiń máni men mańyzyn esse tilinde sóıletip, óleń tilinde asqaqtatý.
Qatysýshylarǵa qoıylatyn talaptar:
– Baıqaýǵa 14 jastan bastap 29 jasqa deıingi ınternattan keıingi jetim balalar men ata-anasynyń qamqorlyǵynsyz qalǵan balalar men jastar qatysa alady.
– Táýelsizdik taqyrybynda 1 esse nemese 2 óleń qabyldanady. (Birinshi óleń – Táýelsiz qazaq elin taqyryptyq ózek etýi kerek. Ekinshi óleń – erkin taqyryp).
– Shyǵarma kólemi 3 betten aspaý tıis (Times New Roman, 14 kegl).
– Shyǵarmalardyń taqyryptyq, ıdeıalyq mazmuny men kórkemdik dárejesine basa nazar aýdarylady.
– Jatqa oqý mindetti emes.
- Baıqaýǵa usynylatyn shyǵarmalar qatysýshy toltyrǵan ótinimmen birge (№1 qosymsha) 2021 jyldyń 15 qyrkúıeginen bastap 15 qazanǵa deıin qushaq.kz@gmail.com elektrondy poshtasyna qabyldanady.
- Baıqaý qorytyndysy 2021 jyldyń 20 qazanynda jarııalanady.
- Qabyldanǵan shyǵarmalar qushaq.kz saıtyna jarııalanady.
Baıqaýdyń júldegerleri úshin:
I oryn – ekeý (esse jáne óleń)
II oryn – tórteý
III oryn – altaý qarastyrylǵan.
Sonymen qatar, júldegerler arnaıy dıplomdarmen jáne baǵaly syılyqtarmen marapattalady.
Baılanys telefondary:
+77472771672
+77016283570
