Almatyda 25-28 qyrkúıek aralyǵynda "Túrki dúnıesi jas aqyndarynyń halyqaralyq poezııa festıvali" ótti. Festıvaldi Almaty qalasy ákimdiginiń qoldaýymen, Halyqaralyq “Túriksoı” uıymy jáne "Tulǵa-dostyq" qoǵamdyq qory uıymdastyrdy.
Festıvaldiń 26 qyrkúıektegi saltanatty ashylýyna Almaty qalasy mádenıet basqarmasynyń basshysy Ǵanı Maılybaev, Qazaqstan Jazyshylar odaǵy tóraǵasynyń orynbasary Qasymhan Begmanov, Halyqaralyq “Túriksoı” uıymynyń Bas hatshysy Sýltan Raev, Qyrǵyzstan Jazýshylar odaǵynyń tóraǵasy Qanybek Imanalıev, kórnekti aqyn Ulyqbek Esdáýlet, Kórkemsýret akademııasynyń prezıdentti Amandos Aqanaev, Danııar Álkebaıuly, Qaırat Muqanov, Yrysbek Máýit, Vıacheslav VAVILIN, Abaı Arap, Arman Sarynov, Almas Aıdar, Nurlan Sydyq, Talǵat Áset, Janar Seıitbattal, qatarly basqa da zııaly qaýym ókilderi, aqyn-jazýshylar qatysty.
Festıvaldiń ashylýynda Túrkııa, Ázerbaıjan, Ózbekstan, Qyrǵyzstan, Qazaqstannyń jas aqyndary jalyndap jyr oqydy.
Festıval "Poezııa alleıasynda" ashylyp, keshte “Alataý” dástúrli óner teatrynda jalǵasyn tapty. “Alataý” dástúrli óner teatrynda ótken "Túrkiler úni" jyr keshin Mádenıet basqarmasy basshysynyń orynbasary Arman Qalybekov ashyp berdi. Sultan Raev jas aqyndarǵa “Túriksoıdyń” arnaıy medalimen, dıplomdarmen marapattaldy.
27 qyrkúıek kúni Almaty qalasyna saıahat uıymdastyrylyp, aqyndar Kóktóbeden kórkem Almatyny tamashalady. Tústen keıin ál-Farabı atyndyǵy Qazaq ulttyq ýnıversıtetinde rektorattyń májilis zalynda stýdenttermen kezdesý keshi ótti. Sharany halyqaralyq alash syılyǵynyń ıegeri kórnekti jazýshy Nurǵalı Oraz júrgizdi.
28 qyrkúıekte festıvaldiń jabylýy Qazaqstan Respýblıkasynyń Ulttyq kitaphanasynda ótti. Sharaǵa aqyn, fılosof, Qazaqstan Jazýshylar odaǵynyń múshesi, “Túriksoıdyń” Bas hatshysynyń keńesshisi, "Tulǵa-dostyq" qoǵamdyq qorynyń dırektory Murathan Shoqan jaýapty bolyp, “Tulǵa-dostyq klýbynyń músheleriniń, "Zerdeli" aqyl-oı damytý mektepter jelisiniń demeýshiligimen atqaryp shyqty. Jas aqyndardyń jany toǵysyp qaıtty. Festıval túrki dúnıesi birligine qosylǵan úles boldy.
“Adyrna” ulttyq portaly
