18 aqpan kúni Qytaı men Aýǵanstanda jer silkinisi boldy, dep habarlaıdy "Adyrna" tilshisi.
Qazaqstan Respýblıkasy Tótenshe jaǵdaılar mınıstrliginiń «NNSN» jáne «I» JShS seısmıkalyq stansalar jelisi eki ret búgin, 18 aqpanla eki jer silkinisin tirkedi.
Saǵat 14:59-da tirkelgen birinshi jer silkinisiniń oshaǵy Qytaı aýmaǵynda ornalasqan.
"Jer silkinisiniń energetıkalyq klasy – 10,8. Magnıtýdasy MPV 4.6. Tereńdigi 5 km. Qazaqstan aýmaǵynda baıqalý (MSK-64 shkalasy boıynsha) joq", - delingen resmı aqparattarda.
17:20-da tirkelgen ekinshi jer silkinisiniń oshaǵy Almaty qalasynan ońtústik-batysqa qaraı 1 110 shaqyrym jerde Aýǵanstan aýmaǵynda ornalasqany anyqtaldy. Almaty qalasy ÁQU kezekshi operatorynyń habarlamasynda:
"Jer silkinisiniń energetıkalyq klasy – 11,9. Magnıtýdasy MPV 5.3. Tereńdigi 35 km. Qazaqstan aýmaǵynda baıqalý (MSK-64 shkalasy boıynsha) joq", - delingen.
