Almatyda Afrika elderınen kelgen 11 zaŋsyz immigrant ūstaldy. Olar Qazaqstannyŋ halyqtyŋ köşı-qony salasyndaǧy zaŋnamasyn būzǧan. Būl turaly köşı-qon qyzmetı mälımdedı, dep habarlaidy “Adyrna” ūlttyq portaly.
Mälımet boiynşa, ūstalǧan şeteldıkter qaladaǧy jataqhanalarda tūryp, zaŋsyz eŋbek qyzmetımen ainalysqan.
Olardyŋ jeke basyn rastaityn qūjattary bolmaǧan.
Qūqyq būzuşylar polisiia bölımınıŋ qabyldau bölımıne ornalastyryldy.
Sondai-aq, köşı-qon qyzmetınıŋ mälımetınşe, megapoliste jergılıktı polisiia qyzmetınıŋ kömegımen zaŋsyz köşı-qon faktılerın anyqtauǧa baǧyttalǧan bırlesken jedel-profilaktikalyq ıs-şara jürgızılude.
Qūrylys nysandaryn tekseru nätijesınde Qazaqstan Respublikasynda bolu erejelerın būzǧan 277 şeteldık anyqtaldy, onyŋ 28-ı şet memleketterdıŋ azamattary: Nigeriia – 11, Türkiia – 19, Ündıstan – 3, Filippin – 2. , Qytai – 1, İran – 1, sondai-aq körşıles elderdıŋ 249 azamaty: Özbekstan – 184. Resei – 38, Täjıkstan – 18, Türkımenstan – 4, Äzırbaijan – 3, Qyrǧyzstan – 1 jäne Ukraina – 1.
Jeke basyn kuälandyratyn qūjattary joq 145 şetel azamaty qabyldau-bölu ornyna ornalastyrylsa, taǧy 62-sı sot şeşımımen elden şyǧaryldy.
Sondai-aq, şeteldıkterdı şaqyru erejelerın būzǧan jäne olardyŋ der kezınde şyǧuyn qamtamasyz etpegen 82 zaŋdy tūlǧaǧa şara qoldanyldy.
