Bügın Memleket basşysy Qasym-Jomart Toqaev Türkıstan qalasynda jaŋadan boi kötergen «Dostyq üiınıŋ» jūmysymen tanysty, dep habarlaidy “Adyrna” ūlttyq portaly.
Qasym-Jomart Toqaevtyŋ arnaiy tapsyrmasymen salynǧan keşende «Qoǧamdyq kelısım» mekemesı, oblystyq Qazaqstan halqy assambleiasy janyndaǧy Ardagerler keŋesı, Analar keŋesı, Mediasiia keŋesı, sondai-aq aimaqtaǧy 11 etnomädeni bırlestıktıŋ ökıldıkterı ornalasqan.
Memleket basşysy ǧimaratty aralap körıp, jergılıktı ziialy qauymmen jäne Qazaqstan halqy assambleiasynyŋ müşelerımen jüzdestı.
– Qasterlı Türkıstan jerıne arnaiy kelıp otyrmyn. Türkıstan öŋırınıŋ keleşegı jarqyn dep oilaimyn. Jastarymyzǧa ülgı-önege körsetıp jürgen ardagerlerge alǧys aitqym keledı. Eŋ aldymen, jastarǧa qoldau bıldıruımız kerek. Bız bärımız bırıgıp, el üşın eŋbek etuımız qajet. Syrttan keletın täuekelder az emes. Ahualdy jaqsy bılesızder. Türkıstan oblysynda 50 ūlt ökılı tūrady. Auyzbırşılıktı saqtau jäne elımızdı damytu jolyndaǧy eren eŋbekterıŋızge rizaşylyq bıldıremın. Qazaqstanda eşqaşan eşqandai fobiia bolǧan emes, bolmaidy da. Bız – bırlıgı myǧym, tolerantty, ūstamdy ärı eŋbekqor halyqpyz. Eŋ bastysy – osy. Sondyqtan yntymaǧy jarasqan qoǧamnyŋ ırgesın älı de bekıte tüsemız, – dedı Qasym-Jomart Toqaev.Memleket basşysy Türkıstannyŋ körıktı, taza qalaǧa ainalǧanyna nazar audardy. Būl rette Türkıstanǧa oblys märtebesın bergen elımızdıŋ Tūŋǧyş Prezidentı Nūrsūltan Nazarbaevtyŋ eŋbegı zor ekenın atap öttı.
Kezdesude Aqsaqaldar keŋesınıŋ töraǧasy Sozaqbai Äbdıqūlov Türkıstannyŋ oblysqa ainalǧan sätınen berı oryn alǧan oŋ özgerısterge toqtalyp, halyq sany tyǧyz ornalasqan öŋırge memleket tarapynan jasalyp jatqan qamqorlyq üşın alǧys aitty.
Ūqsas jaŋalyqtar
