Memleket basshysy Qasym-Jomart Toqaev «Bolashaqtyń oıyndary» halyqaralyq týrnıriniń ashylý rásimine qatysty. Bul týraly Aqordanyń baspasóz qyzmeti jarııalady, dep habarlaıdy “Adyrna” ulttyq portaly.
Prezıdent resmı minberden «Bolashaqtyń oıyndary» týrnıriniń saltanatty ashylý rásimin tamashalady.
Reseıdiń memlekettik ánurany oryndalǵannan keıin Vladımır Pýtın jarysty ashyq dep jarııalady.
Qazaqstan Prezıdenti týrnır qatysýshylaryna sáttilik tiledi.
“Qurmetti Vladımır Vladımırovıch, eń aldymen, Sizge zor rızashylyq bildirgim keledi. Bul – biregeı oıyn. Dúnıejúzinde mundaı oıynnyń balamasy joq. Barshańyzǵa sáttilik tileımin. Kelesi oıyndy Qazaqstanda ótkizeıik”, – dedi Qasym-Jomart Toqaev.
Sonymen qatar Belarýs, Qyrǵyzstan, Tájikstan jáne Ózbekstan prezıdentteri kıbersportshylarǵa izgi tilekterin joldap, jarysqa qatysýshy memleketter týlarynyń sherýi ótti.
«Fıdjıtal-konepııaǵa» negizdelgen týrnırdiń formaty fızıkalyq belsendilikti, zamanaýı tehnologııa men ıfrlyq ortany ushtastyrady.
Shoý barysynda sport, strategııa, taktıka, tehnologııa, jyldamdyq sekildi 5 topqa biriktirilgen saıys túrleri tanystyryldy.
Oıyndardyń baǵdarlamasyna klassıkalyq sport túrleri men olardyń 21 ıfrlyq balamalary boıynsha gıbrıdti sporttyq jarystar engizilgen.
Uıymdastyrýshylardyń málimeti boıynsha týrnırge 100-den astam elden 2 myńǵa jýyq kıbersportshy kelgen.
Qazaqstannyń oıynshylary men komandalary sporttyń 13 túri boıynsha saıysqa túsedi. Jalpy bul týrnırge elimizdiń 48 ókili qatysady.
