QR Prezidentı jarlyǧymen Almatynyŋ ırgesınde bolǧan tötenşe oqiǧa kezınde oqystan qaza tapqan ört söndıruşı Arslan Qūrmanbekov III därejelı «Aibyn» ordenımen marapattaldy, dep habarlaidy "Adyrna" ūlttyq portaly.
«Memleket basşysynyŋ Jarlyǧymen qyzmettık boryşyn atqaruda körsetken batyldyǧy men janqiiarlyǧy üşın Tötenşe jaǧdailar ministrlıgınıŋ Almaty qalasy Tötenşe jaǧdailar departamentı ört söndıru jäne avariialyq-qūtqaru jūmystary qyzmetı №7 ört söndıru bölımınıŋ aǧa ört söndıruşı-qūtqaruşysy Arslan Joldasbekūly Qūrmanbekov III därejelı «Aibyn» ordenımen nagradtaldy (marqūm)», - dep jazdy Aqordanyŋ resmi saity.Arslan Joldasbekūly Qūrmanbekov – azamattyq qorǧanys serjanty. 1994 jyly 23 tamyzda Almaty oblysy, Talǧar audany, Talǧar qalasynda düniege kelgen. Eŋbek jolyn Almaty qalasy TJD «ÖSjAQJQ» MM №9 mamandandyrylǧan ört söndıru bölımınde ört söndıruşı-qūtqaruşy retınde bastaǧan. Almaty qalasy TJD «ÖSjAQJQ» MM №1 ört söndıru bölımınde ört söndıruşı, aǧa ört söndıruşı-qūtqaruşy bolyp qyzmet atqarǧan. Tötenşe jaǧdailar ministrlıgı Almaty qalasy Tötenşe jaǧdailar departamentı ört söndıru jäne avariialyq-qūtqaru jūmystary qyzmetı №7 ört söndıru bölımınıŋ aǧa ört söndıruşı-qūtqaruşysy lauazymyna 2019 jyly taǧaiyndalǧan. Biyl 8 mamyrda Arslan Qūrmanbekov Ile-Alatau tabiǧi parkınıŋ tau bökterındegı örttı söndırgen jedel toptyŋ qūramynda qyzmettık boryşyn atqara jürıp, qaiǧyly jaǧdaida qaza tapty.
"Adyrna" ūlttyq portaly
Ūqsas jaŋalyqtar
#Toqaev
qūtqaruşy
#aibyn_ordenı
ört söndıruşı
prezident jarlyǧy
qasym jomart toqaev jarlyǧy
Arslan Joldasbekūly Qūrmanbekov
