Memleket basshysy Qasym-Jomart Toqaev qazaqstandyqtardyń jáne jeke óziniń atynan Sı zınpın men qytaı halqyn QHR-dyń qurylǵanyna 75 jyl tolýymen quttyqtady. Bul týraly Aqorda jarııalady, dep habarlaıdy “Adyrna” ulttyq portaly.
Prezıdent quttyqtaý jedelhatynda el birligi men tutastyǵynyń biregeı nyshany sanalatyn bul kúnniń orny erekshe ekenine toqtaldy. Sonymen qatar Qytaıdy álemdegi kóshbasshy, ári jahandyq ornyqty damýǵa, halyqaralyq turaqtylyq pen qaýipsizdikti qamtamasyz etýge zor úles qosyp otyrǵan qýatty memleket retinde atap ótti.
Sondaı-aq, ol Qazaqstan men Qytaı arasyndaǵy san qyrly yntymaqtastyq strategııalyq seriktestik rýhynda qarqyndy damyp kele jatqanyna nazar aýdardy. Eki eldiń myzǵymas dostyq pen tatý kórshilikke negizdelgen baılanysy qos halyqtyń ıgiligi jolynda udaıy nyǵaıa beretinine senim bildirdi.
Qasym-Jomart Toqaev Sı zınpınniń asa jaýapty qyzmetine tolaıym tabys, al dostas qytaı halqyna baq-bereke tiledi.
