Elektrondy oqulyqtardyŋ basty maqsaty − mektep oquşylarynyŋ sömkesın jeŋıldetu, bılım beru mümkındıkterın keŋeitu jäne onyŋ sapasyn arttyru.
Oqulyqtar.kz bılım beru platformasy qazaqstandyq serverlerde ornalasqan. Qazaqstan Respublikasynyŋ aqparattyq qauıpsızdık talaptaryna säikes keledı. Osy platformadaǧy elektrondy oqulyqtar memlekettık standartqa jäne oqu baǧdarlamalaryna sai jasalǧan. Elektrondy oqulyqtardy paidalanu oqu prosesınıŋ tiımdılıgın arttyryp, oquşylardyŋ ülgerımın jaqsartady, interaktivtı tapsyrmalary oquǧa degen qyzyǧuşylyqty tudyryp, bılım alu nätijesın tez baǧalauǧa kömektesedı.
Elektrondy oqulyqtardyŋ erekşelıkterı:
- Multimediialyq resurstar, iaǧni audiojazba jäne beinejazba, interbelsendı tapsyrmalar, türlı illiustrasiialar, beinematerialdardy bırneşe ret qaitalap köre alu mümkındıgı kürdelı taqyryptardy tez qabyldap, jeŋıl tüsınuge kömektesedı.
- Jeke nemese bırlesken toptyq jūmystar oqu barysyn türlendırıp, qyzyqty ūiymdastyruǧa mümkındık beredı.
- İnteraktivtı glossarii, türlı pänder boiynşa taqyryptardy ızdeu jäne taldau − jasandy intellekt pen pänaralyq bailanystar negızınde jüzege asyrylady.
- Elektrondy oqulyqtar kez kelgen sätte, kez kelgen orynda, kez kelgen qūrylǧyda qoljetımdı.
Mysaly, oqulyqtar.kz bılım beru platformasyndaǧy 1-synypqa arnalǧan «Älıppe» elektrondy oqulyǧynda qazaq älıpbiın üiretu üşın ūlttyq kiım kigen balalardyŋ qatysuymen animasiialanǧan beinerolikter berılgen. Audiojazbalar arqyly qazaq maqal-mätelderı men jaŋyltpaştaryn tyŋdauǧa, interaktivtı tapsyrmalardy oryndauǧa bolady.
3-synypqa arnalǧan «Sifrlyq sauattylyq» oqu-ädıstemelık keşenı Blum taksonomiiasy, Şternbergtıŋ modelı negızınde, sonymen qatar spiraldyq prinsiptı eskere otyryp äzırlendı.
Jobalyq tehnologiiany qoldanu oquşylarǧa tek teoriialyq bılım alyp qana qoimai, ony praktikada qoldanuǧa jäne jeke, ūjymdyq oqytuda täjıribe jinaqtauǧa mümkındık beredı. Būl oqu tiımdılıgın arttyrady jäne ony qyzyqty etedı. Elektrondy oqulyqta keibır materialdardyŋ oiyn türınde berıluı jaŋa sabaqty meŋgeruge, tüsınuge, tekseruge jäne pänge degen qyzyǧuşylyǧyn arttyruǧa yqpal etedı.
Būǧan deiın mektepterde 3-synypqa arnalǧan «Körkem eŋbek» bolyp oqytylyp kelgen pän biyldan bastap «Eŋbekke baulu» jäne «Beineleu önerı» dep ekı pänge bölındı. Atalǧan oqulyqtar oquşynyŋ jas erekşelıgıne säikes aluan türlı taqyryptan, tüsınuge jeŋıl mätınder men äsem bezendırılgen illiustrasiialardan tūrady.
Sabaq aiasyn keŋeituge mümkındık beretın, türlı būiymdar jasaudyŋ şyǧarmaşylyq barysyn körsetetın «Eŋbekke baulu» oqulyǧynyŋ elektrondy nūsqasynda beinerolikter körsetu, audio jazbalardy tyŋdatu, türlı interaktivtı tapsyrmalardy oryndatu oqytudy jan-jaqty qyzyqty ötkızuge septıgın tigızedı.
«Beineleu önerı» oqulyǧynyŋ elektrondy nūsqasynda oquşylardyŋ qyzyǧuşylyǧyn oiatyp, tanymyn damytatyn interaktivtı tapsyrmalar, audio-beinejazbalar, suret salu joldary, maŋyzdy aqparattar berılgen. Elektrondy qūral arqyly sūraqtardyŋ jauaby men suretterdı säikestendıredı, suretterge pışım taŋdaidy, zattardan üilesımdı natiurmort qūrastyrady, onlain baǧdarlama arqyly suret sala alady. Demek, oquşylar sabaq materialyn meŋgerumen qatar, zamanaui aqparattyq qūraldardy qoldanuǧa üirenedı.
Oqulyqtardaǧy interbelsendı tapsyrmalar men täjıribeler oquşylardyŋ bılımderın ıs jüzınde qoldanuǧa, belsendı boluǧa, oilau qabıletın damytuǧa, şyǧarmaşylyq jūmystarǧa beiımdeluıne yqpal etedı.
Elektrondy oqulyqtardyŋ Oqu-ädıstemelık keşenıne jazyluǧa jäne olardy oqu prosesınde keŋınen qoldanuǧa bolady. Ol üşın:
1) oqulyqtar.kz platformasynda jeke paidalanuşy retınde «Atamūra» paketın taŋdau kerek;
2) Qazaqstan Respublikasynyŋ memlekettık satyp alu saitynda korporativtı paidalanuşy retınde tırkelu qajet.
