Freedom Finance pen «QazTAG» agenttıgı arasyndaǧy qylmystyq ıs qoǧamdyq talqylaudyŋ özegıne ainalyp otyr. Osyǧan bailanysty jurnalist Almat Äbdıraman äleumettık jelıdegı jazbasynda mäselenı tek ekı tarap arasyndaǧy janjal retınde emes, jalpy qazaqstandyq jurnalistikanyŋ käsıbi standarttary men aqparattyq jauapkerşılıgı tūrǧysynan qarastyru qajettıgın aitty.
«Aqiqatynda, jurnalistıŋ käsıbi jauapkerşılıgı men söz bostandyǧy bır-bırıne qarsy ūǧymdar emes qoi. Qaita, jauapkerşılık bolǧan jerde ǧana söz bostandyǧynyŋ bedelı bekemdeledı. Jurnalist jıbergen kıltipan kınärat nemese jalǧan aqparat faktısı anyqtalsa, ony moiyndau älsızdıkten görı, käsıbilıktıŋ belgısı», – dep atap öttı Almat Äbdıraman.
Jurnalist Freedom Finance jariialaǧan resmi ūstanymǧa da nazar audaryp, kompaniianyŋ negızgı maqsaty materialdyq ötemaqy öndıru emes, ıskerlık bedelın qorǧau ekenın atap öttı. Sondai-aq, kompaniia daudy mediasiia arqyly şeşuge daiyn ekenın bırneşe ret mälımdegenın eske saldy.
Jurnalist Ämır Qasenovke qatysty qozǧalǧan qylmystyq ıs töŋıregındegı pıkırtalastarda qoǧam aqparattyŋ şynaiylyǧy mäselesın de nazardan tys qaldyrmauy kerek dep sanaidy.
Jurnalistika salasynda 26 jyldyq täjıribesı bar Almat Äbdıraman soŋǧy uaqytta media keŋıstıkte alaŋdauşylyq tudyratyn ürdıster baiqalyp otyrǧanyn aitty. Onyŋ pıkırınşe, kei jaǧdaida tekserılmegen nemese dauly aqparat keŋınen taralyp, keiın olardyŋ şynaiylyǧyna qatysty sūraqtar tuyndaǧanda qoǧamdyq talqylau aqparattyŋ naqtylyǧy mäselesınen görı söz bostandyǧyna qysym körsetu taqyrybyna ädeiı auystyrylyp jıberıledı.
Avtor mūndai jaǧdaida aqparattyŋ şynaiylyǧy men qūqyqtyq jauapkerşılık mäselelerı ekınşı kezekke ysyrylyp qaluy mümkın ekenın atap öttı. Onyŋ aituynşa, aqparattyŋ ras-ötırıgın anyqtauǧa baǧyttalǧan käsıbi talqylaudyŋ emosiialyq jäne saiasi reŋkı basym pıkırtalasqa ūlasuy jurnalistika institutyna degen qoǧamdyq senımge kerı äser etedı.
«Mūndai ürdıster söz bostandyǧy üşın adal eŋbek etıp jürgen jurnalisterdıŋ bedelıne nūqsan keltırıp, oqyrman arasynda būqaralyq aqparat qūraldaryna degen senımsızdıktıŋ qalyptasuyna sebep boluy mümkın», – deidı jurnalist.
Onyŋ aituynşa, qūqyqtyq baǧalau adamnyŋ käsıbıne emes, naqty äreketıne berıluı tiıs. Jurnalist öz jazbasynda AQŞ pen Europada da būqaralyq aqparat qūraldary jalǧan aqparat taratqany üşın jauapkerşılıkke tartylatynyn eske salyp, kez kelgen dauda tüpkı ölşem retınde faktıler men zaŋ talaptary basşylyqqa alynuy kerektıgın aitty.
