Almaty oblysy Şamalǧan auylynda er adam köşede ketıp bara jatqan äielge şabuyl jasady. Ol äieldıŋ moinyna jıp salyp, buyndyrǧan, dep habarlaidy "Adyrna".
Äieldıŋ jaqyndarynyŋ aituynşa, oqiǧa 6 mausym künı keşkı saǧat 20:05 kezınde özen boiyndaǧy jolda bolǧan. Er adam äieldı öltıretının aityp, qorqytyp, ünın şyǧarmaudy talap etken. Jäbırlenuşını ainalada jürgen adamdar qūtqaryp qaldy, alaida küdıktı qaşyp ülgergen. Ol beinebaqylau kamerasyna tüsıp qalǧan. Er adamnyŋ jeke basy älı anyqtalǧan joq.
Oqiǧaǧa qatysty Qarasai audanynyŋ äkımdıgı resmi tüsınıkteme berdı.
«Qazırgı uaqytta Qazaqstan Respublikasy Qylmystyq kodeksınıŋ 108-1-baby 2-bölıgınıŋ 5-tarmaǧy (densaulyqqa qasaqana jeŋıl ziian keltıru) boiynşa tırkelgen qylmystyq ıs şeŋberınde sotqa deiıngı tergep-tekseru amaldary jürgızılıp jatyr», – dep mälımdedı audandyq äkımdıkten.
Almaty oblysy Polisiia departamentınıŋ baspasöz qyzmetı jaǧdaidy baqylauǧa alǧanyn habarlady. Qazırgı uaqytta oqiǧanyŋ tolyq män-jaiyn aşu jäne küdıktını ūstau üşın keşendı şaralar jürıp jatyr.
«Qazırgı uaqytta oqiǧanyŋ män-jaiyn, sondai-aq zaŋsyz äreketterge qatysy bar tūlǧany anyqtauǧa baǧyttalǧan jedel-ızdestıru jäne tergeu şaralarynyŋ keşenı jürgızılıp jatyr. Jürgızılgen jūmystardyŋ nätijesı boiynşa qūqyqtyq baǧa berılıp, tiıstı prosestık şeşım qabyldanady. Tergeu jalǧasuda», – dep atap öttı vedomstvodan.
