Äleumettık jelılerde özderın «kommunisterdıŋ qazaqstandyq serıktestıgı» dep tanystyratyn topty tekseru ūsynyldy, dep habarlaidy "Adyrna" ūlttyq portaly "Arasha" saityna sılteme jasap.
«Krasnaia iurta – Qyzyl otau» (red.yurt) atty top Astanadaǧy Aşarşylyq qūrbandaryna taǧzym eskertkışındegı jazudyŋ özgertıluın «jeŋıs» retınde jariialaǧan.
Tarihşy Ruslan Tüsıpbekov «aşarşylyq» sözınıŋ orysşaǧa «golodomor» dep audaryluy tiıs ekenın, öitkenı būl – saiasi termin, qoldan jasalǧan qylmys ekenın atap öttı. Onyŋ aituynşa, «golod» tabiǧi jaǧdaidan tuǧan aştyqty bıldıredı, al «golodomor» – Keŋes bilıgınıŋ qasaqana jasaǧan genosidı.
Sonymen qatar, red.yurt paraqşasynda Alaş qairatkerlerıne tıl tigızıp, Prezidenttıŋ resmi mälımdemelerın būrmalaǧan jazbalar da jariialanǧan. Sarapşylardyŋ aituynşa, mūndai kontent qoǧamdy arandatuǧa baǧyttalǧan.
Osyǧan bailanysty atalǧan topty qūzyrly organdarmen tekseru ūsynyldy.
Eske sala keteiık, jaqynda Astanadaǧy Aşarşylyq qūrbandaryna arnalǧan eskertkış taqtadaǧy «golodomor» sözı «golod» dep özgertılgenı edı.
Sondai-aq, däl sol eskertkışke boiau jaqqan äiel 196 myŋ teŋge aiyppūl araqalaǧany aitylǧan bolatyn.
