AQSh-ta SOVID-19 juqtyrǵan áıel 355 kún boıy aýyrǵan

2989
Adyrna.kz Telegram

AQSh-ta COVID-19 juqtyrǵan áıel 355 kún boıy aýyrǵan dep habarlaıdy "Adyrna" ulttyq portaly "Science Alert" saıtyna silteme jasap.

Merılend shtatynyń 47 jastaǵy turǵyny 2020 jyldyń kókteminde koronavırýspen aýrýhanaǵa jatqyzylǵan. Ol kóp uzamaı aýrýhanadan shyǵarylǵan, biraq jazylyp ketpegen: naýqas úıinde qosymsha ottegi apparatyn qoldanǵan.

Ulttyq densaýlyq saqtaý ınstıtýtynyń (NIH) mamandary bıomaterıal úlgilerin salystyryp, áıel bir jylǵa jýyq ýaqyt boıy vırýsty qaıta juqtyrmaǵanyn anyqtaǵan, soǵan qaramastan, oǵan koronavırýs dıagnozy qoıylǵan jáne sáıkes belgileri de baıqalǵan: jótel, entigý.

Vırýs juqtyrǵannan keıin on aı ótken soń naýqastyń denesinen alynǵan vırýs genomynyń taldaýy V.1.332 shtamyn kórsetken, ol zertteý ýaqytynda is júzinde aınalymda bolmaǵan. Bul nátıje áıeldiń qaıtadan juqtyrmaǵanyn jáne osy ýaqyt boıy patogen onyń denesinde qalǵanyn rastady.

Áıeldiń ımmýnıteti qaterli isikten keıin álsiregeni aıtylǵan. Ol úsh jyl buryn aǵzada antıdenelerdi qalyptastyrýy kerek jasýshalar sanyn azaıtatyn emdeý kýrsynan sátti ótken eken. Dárigerlerdiń aıtýynsha, bul COVID-19-dyń uzaq ýaqytqa sozylýyna sebep bolýy múmkin.

Emdelý kezinde áıel vırýs juqtyryp, jazylǵan adamdardan qan plazmasyn alǵan. Nátıjesinde naýqas tolyqtaı jazylyp, endi ottegi maskasynsyz júredi.

Merılend shtatyndaǵy naýqas COVID-19 juqtyryp, 290 kún boıy aýyrǵan 72 jastaǵy ulybrıtanııalyqtyń rekordyn jańartqan.

 

"Adyrna" ulttyq portaly.

Pikirler