Resei men Ukraina Herson oblysyndaǧy Oleşki qalasynda gumanitarlyq operasiia jürgızu üşın uaqytşa atysty toqtatuǧa kelıstı, dep habarlaidy “Adyrna”.
Kelıssözderge AQŞ-tyŋ bırınşı hanymy Melaniia Tramp deldal bolǧan.
Būl turaly 23 qazanda Aq üi mälımdedı.
Uaqytşa bıtım aiasynda qalaǧa azyq-tülık, därı-därmek pen auyzsu jetkızu, beibıt tūrǧyndardyŋ qauıpsız jerge köşırıluın ūiymdastyru josparlanǧan.
Aq üidıŋ mälımetınşe, gumanitarlyq operasiia 29 qazanda bastaluy tiıs. Alaida Resei Qaruly küşterı Bas ştabynyŋ basşysy Valerii Gerasimov Herson baǧytynda 27 qazannan bastap atysty toqtatu rejimı engızıletının aitty. Ukraina äskeri küşterı de osy kündı rastaǧan.
Melaniia Tramptyŋ aituynşa, ol Mäskeu jäne Kiev ökılderımen kelıssözder jürgızuge tıkelei qatysyp, atysty toqtatu şarttaryn, merzımderın jäne gumanitarlyq kömektı jetkızu tärtıbın kelısuge atsalysqan.
AQŞ-tyŋ bırınşı hanymy Oleşkidegı jaǧdaidyŋ kürdelı ekenın atap öttı. Onyŋ sözınşe, qalada qalǧan tūrǧyndardyŋ basym bölıgı – qart adamdar. Olarǧa medisinalyq kömek, därı-därmek, azyq-tülık jäne taza auyzsu qajet. Sonymen qatar qalada elektrmen jabdyqtau jüiesı qalypty jūmys ıstemeidı, joldar minalanǧan, al atqylau jalǧasyp jatyr.
Uaqytşa bıtım kezınde Resei men Ukraina taraptarynyŋ azamattyq ökılderı jergılıktı tūrǧyndardyŋ qajettılıkterın anyqtap, qandai kömek keregın baǧalauy tiıs.
Ukraina prezidentınıŋ kommunikasiialar jönındegı keŋesşısı Dmitrii Litvin gumanitarlyq operasiiaǧa qatysty mäselelermen Joǧarǧy Radanyŋ adam qūqyqtary jönındegı uäkılı Dmitrii Lubines ainalysyp jatqanyn aitty.
Resei Bas ştabynyŋ basşysy Valerii Gerasimovtyŋ mälımdeuınşe, Mäskeu uaqytymen 27 qazan saǧat 04:00-den bastap Herson baǧytynda atysty toqtatu josparlanǧan. Gumanitarlyq kömek jetkızılmes būryn mamandar joldardy tekserıp, injenerlık barlau jürgızıp, gumanitarlyq kolonnanyŋ qauıpsız ötuın qamtamasyz etuı tiıs.
