Almatyda «Medeu» biık tauly mūz aidynynyŋ alaŋynda Respublika künıne orai Qazaqstan Respublikasynyŋ Memlekettık Tuyn köteru saltanatty räsımı öttı.
Is-şaraǧa qala äkımı Darhan Satybaldy, qoǧam jäne mädeniet qairatkerlerı, Qazaqstan Halyq Keŋesı men Qoǧamdyq keŋes müşelerı, ükımettık emes jäne jastar ūiymdarynyŋ ökılderı, tanymal sportşylar, sondai-aq qala tūrǧyndary men qonaqtary qatysty. Saltanatty räsımge barlyǧy 1 500-den astam adam jinaldy.
Memlekettık Tudy köteru räsımı äskeri ürmelı aspaptar orkestrınıŋ süiemeldeuımen Qazaqstan Respublikasynyŋ Memlekettık Änūranyn oryndaumen jalǧasty. Tu tūǧyrynyŋ biıktıgı – 40 metr, al tudyŋ ölşemı – 7h14 metr.
Respublika künı qarsaŋynda Almaty äkımı Darhan Satybaldy Qazaqstan Prezidentı Qasym-Jomart Toqaevtyŋ atynan memlekettık nagradalardy tabystady. Marapattalǧandardyŋ qatarynda elımızdıŋ äleumettık-ekonomikalyq jäne mädeni damuyna zor üles qosqan almatylyqtar bar.
Sonymen qatar Respublika saraiynda Respublika künıne arnalǧan merekelık konsert öttı.
