2024 jyldyŋ alǧaşqy segız aiynda Taşkent meşıtterınen 8 imam (uaǧyzşy) men olardyŋ 10 orynbasary jūmystan şyǧaryldy. Olar öz qyzmetınde qatelıkter jıberıp, qyzmettık mındetterın dūrys oryndamaǧan. Būl turaly Özbekstan Mūsylmandary basqarmasynyŋ baspasöz qyzmetı jariialady, dep habarlaidy “Adyrna” ūlttyq portaly.
Anyqtalǧandai, eseptı kezeŋde osyǧan ūqsas qūqyq būzuşylyqtar üşın taǧy 4 dın qyzmetkerı tärtıptık jazaǧa tartylǧan. Būl statistika Özbekstannyŋ dıni basqarmasynyŋ basşysy, müfti şeih Nuriddin Holiknazardyŋ töraǧalyǧymen ötken elorda imam-hatibterınıŋ syni-saraptamalyq jiynynda aityldy.
Holiknazar Taşkent imamdaryn qatty synǧa alyp, olardyŋ keibıreulerı «negızgı mındetıne nemqūraily qaramaidy, dındarlardyŋ mūŋ-mūqtajyn qamtamasyz etuge jetkılıktı küş salmaidy, sondai-aq atqaru tärtıbın būzuǧa jol beredı» dedı.
Bölımmen belgılengen tärtıptı, eŋbek şartynyŋ talaptaryn jäne lauazymdyq nūsqaulyqtardy saqtamaǧan dın qyzmetkerlerıne şara qoldanyldy.
Sondai-aq, ol barlyq meşıt uaǧyzşylaryn öz qyzmetterın jetıldırıp, bılıktılıkterı men bılımderın şyŋdauǧa, şariǧatqa laiyqty qyzmetşıler bolyp, paryzdaryn «jalyndy mahabbatpen, taqualyqpen jäne qūlşylyqpen» atqaruǧa şaqyrdy.
