Belgili zańger Abzal Quspan “Qańtar oqıǵasynyń” bolýyna dinı ekstremızmniń de áseri boldy degen pikirde. Bul týraly ol “Adyrna” ulttyq portalynyń “Tarazy” ıýtýb baǵdarlamasynda aıtyp berdi.
“Eger biz “Jańa Qazaqstandy” qurǵymyz kelse, birinshi kezekte dinı ekstremızm degen máseleni túp-tamyrymen qurtý kerek. Ol úshin olardyń birdeńe búldirip otyrǵanyn kútip otyrýdyń qajeti joq! Aldyn alýymyz kerek, sebebin anyqtaýymyz kerek. Uıymdastyrýshylardan bastap, adasqan jolda júrgen azamattardy jaýapkershilikke tartyp, ózimizdiń qoǵamǵa beıimdeýimiz kerek. Batyl sharalardy qolǵa alýymyz kerek”, - dedi ol.
Sondaı-aq,zańger din men mádenıettiń alshaqtyǵy týraly suraqqa da jaýap berdi.
“Islam dinin bizdiń mádenıetimizge qarsy qoıýǵa bolmaıdy. Bul qate ustanym. Jeke óz basynńyz ustanbasańyz da, ol pikirdi ózge adamdarǵa kúshtep tanýǵa bolmaıdy. Ol shatysýǵa ákeledi.
Sosyn táńirshildikti din retinde qaraýǵa bolmaıdy. Ol dinnen kóri, mádenıetke kóbirek jatady dep esepteımin…. “,- dedi Abzal Quspan
