Arab tilinde túrki sózderi de kóp. Biraq 70 paıyz emes, árıne. Adam balasynyń álmısaqtan beri aralasyp-quralasýy tilderdiń ózara yqpaldasýyna, týysýyna áser etken. Bul - anyq jaıt.
Uly daladan úndi, arab aımaǵyna, kári qurlyqqa qaraı bastalǵan mıgraııa tegi, túbi túrki bop shyǵatyn qaýymnyń assımılıaııaǵa ushyraýyna yqpal etip otyrǵan. Sóıtip adamnyń sanasy, salt-dástúri, dúnıetanymy, túr-kelbeti ózgeriske ushyraǵan. Tek ózgermeıtin qubylys - jad. Iaǵnı, kod. Men keıde ataǵy alystan estilgen ǵulama ǵalymdardyń negizi túrki me dep te oılaımyn. Meniń bul oıym bar jaqsyny menshiktep alý emes, qısyn, "osylaı da bolýy múmkin-aý" degen boljamdy paıym.
Mundaǵy aıtpaǵym: ana bir “ýaǵyzshynyń "qazaq tiliniń 70 paıyzy arabtiki” degenine kelip tireledi.
Boldy endi, jetedi! "Kıno aıaqtaldy", jigitter! Qazaqtyń júıkesin júndeı tútip, qajaı berýdiń qajeti joq. Budan ary qaraı qajala berse, qazaq ultynyń júıkesi shydas bermeı, tutas halyq usaqtalyp, tobyrǵa aınalyp ketýi múmkin. Sondyqtan dástúrli BAQ-tan bastap barlyq áleýmettik platformalardan sandyraq sóz ben suhbattarǵa zańdy túrde tıym salynýy kerek. Din jaıynda sóılese, din bilgirleri, teologtar ǵana sóılesin. Iýtýb pen Tıktoktan shyǵyp alyp, laǵyp otyratyndardyń aýzdaryn japqan abzal. QMDB usynys jasasyn, tıisti oryndar tıisti sharalardy qolǵa alsyn. Áıtpese, munyń aqyry, jaman aıtpaı jaqsy joq, sumdyq bolady.
