Astanada "Abý-Dabı plaza" kesheni qurylysynda jumys isteıtin ondaǵan jumysshy jınalyp, "Nur Otan" partııasyna bardy.
Merdiger World Monitor kompanııasynda jumys isteıtin jumysshylar partııanyń Astanadaǵy fılıaly tóraǵasynyń orynbasary Baqyt Saparovpen kezdesip, eki aılyq jalaqysyn almaǵanyna shaǵymdandy. Jumysshylar sonymen qatar qurylys basynda jumys jaǵdaıynyń nasharlyǵyna da shaǵym aıtty.
Azattyq kompanııanyń ózine habarlasqanymen, sóılese almady. Jumysshylar kompanııa basshylyǵymen ózderi de kezdese almaıtynyn, sebebi "olar mekenjaıyn jıi aýystyratynyn" aıtady.
Baqyt Saparov jumysshylardan shaǵymyn jazbasha kúıde qabyldap alyp, bul máselege baılanysty kompanııa basshylarymen jıyn ótkizetinin jáne oǵan tıisti organdar ókilderin shaqyratynyn aıtty.
_______________________________________________________________________________________________________
azattyq.org
