Groznyı: "Ertisti" apatqa ushyratqan - basshylyq"

2989
Adyrna.kz Telegram

Ol Pavlodarda uzaq jumys istemedi, biraq ózi týraly kóptegen jaqsy estelikter qaldyrdy. Ýkraınalyq jattyqtyrýshy Vıacheslav Groznyı «SPORTINFORMǴA» bergen suhbatynda «Ertiste» kimniń kinási boıynsha jumysyn jalǵastyrmady, boksqa nege barmaıdy jáne fýtbol týraly kitapty kimge jiberýge daıyn ekenin aıtty.
Biz qońyraý shalǵanda Bolgarııada demalysta júr eken. Bul elde ol bos ýaqytyn ótkizýdi unatady. "Levskıde" jumys istegen kezden bastap  ádet bolyp ketken. Endi onyń bos ýaqyty kóp. Sondyqtan Vıacheslav Vıktorovıch suhbattasýǵa ońaı kelisti.

- Vıacheslav Vıktorovıch, siz qazirgi "Ertistiń" jaǵdaıyn qadaǵalap júrsiz be?

- Árıne. Men tek «Ertisti» ǵana emes, sonymen birge burynǵy klýbym «Toboldy» da baqylap júrmin. Qalaı bolǵanda da, men barsha qazaqstandyq fýtboldyń ımpýlsin saýsaǵymda ustaımyn. Nelikten? Maǵan sizdiń el, adamdar, fýtbolshylar unaıdy. Men ne aıta alamyn? «Ertis» úshin bul óte ókinishti. Pavlodarlyq jankúıerler mundaı masqaraǵa laıyq emes edi. Tipti eki jyl qatarynan.

- Sizdiń oıyńyzsha, olar maýsym sońynda Premer-Lıgasyz qalady ma?

Men senimdi emespin. Olar ushyp ketpeıdi. Jergilikti jigitter legıonerlermen birge jınalyp, qalǵan matchtardy tıisti deńgeıde ótkizý úshin barlyǵyn jasaýy kerek.Týrnırlik tablıada  bolyp jatqan jaǵdaı apat. Biraq bári túzetiledi.

Dımıtar Dımıtrov

- Esińizde bolsa, 2017 jyly siz Dımıtar Dımıtrov ketkennen keıin komandany qabyldadyńyz jáne Eýropa Lıgasynda oınaý mindetin oryndadyńyz. Ákim (Baqaýov)  sizdiń jumysyńyzǵa óte rıza boldy degen qaýeset tarady. Biraq kelisimshart jańartylǵan joq. Nelikten?

- Men áńgimeni transfer terezesi jabylǵan ýaqytta kelgenimnen bastaǵym keledi. Men buǵan ádeıi nazar aýdaramyn. Nege? Sebebi, qolda bar materıalmen jumys isteýim kerek boldy. Jigitter týraly jaman sóz aıtqym kelmeıdi, ol týraly oılamańyz da. Biraq meniń talaptarymdy, tujyrymdamamdy túsiný jáne qabyldaý úshin olarǵa kóp ýaqyt qajet boldy. Eger komandada menimen birge jumys jasaıtynymdy biletin birneshe jigit bolsa nemese meniń fýtbolǵa degen kózqarasyma sáıkes keletin adamdarmen birneshe pozıııany kúsheıtý múmkindigi bolsa, bári ońaı bolar edi. Soǵan qaramastan biz tapsyrmany oryndadyq. Ertis oıynshylarynyń minezderi men rýhtary myqty boldy. Olar osy qasıettersiz oınaı almas edi. Meniń quramymda sózsiz jetekshiler - Davıd Lorııa, Piráli |Álıev jáne Karlos Fonseka boldy. Olardyń sáttiliktegi róli óte zor, ony baǵalaý múmkin emes. Olardyń aınalasynda basqalar jınaldy. Kóshbasshylar bizdi alǵa shyǵardy, minez ben tabandylyq tanytty. Bári birden bastalmady, qıyndyqtar kóp boldy, men kóptegen teorııalyq zertteýler júrgizýim kerek boldy. Ýaqyt óte kele barlyǵy oıdaǵydaı ótti. Biz kóshbasshylarǵa qarsy keremet oınadyq - qonaqta «Ordabasy» komandasyn jeńdik. Bul jeńis bizge degen senimdilikti kúsheıtti. Úıde «Qaıratpen» teń tústik - 1: 1. Onyń ústine kóp upaı jınaı almadyq. Sodan keıin Astanada match ótti, biz oıyn boıy jetekshilik jasadyq, biraq sodan keıin sýdıa bizdiń qaqpamyzǵa túsiniksiz penaltı belgiledi.

Osy maýsymnyń qalaı aıaqtalǵany sizdiń de esińizde shyǵar: «Aqtóbege» qarsy matchta kapıtanymyzdan jáne negizgi qaqpashy Davıdten jaraqatyna baılanysty aıyryldyq, ol shuǵyl túrde Italııaǵa operaııa jasatýǵa májbúr boldy. Bul jaraqat men barlyq oıynshylardy aýystyrýdy qoldanǵan sátte boldy. Iaǵnı, men rezervtik qaqpashyny bosata almadym. Úsh oıynshy da aýysyp qoıǵan bolatyn. Sodan keıin maǵan qaqpashylardyń jattyqtyrýshysy Andreı Nenashev qorǵaýshy Rýslan Esimovtiń  bala kezinde qaqpashy  bolǵanyn áli de qaqpaǵa myqty turatynyn aıtty. Sóıtip qaqpaǵa Esimov  turdy. Bizdi birneshe ret qutqardy! Biraq bizde bir oıynshy az boldy. «Aqtóbeni » ol kezde Muhanovty jattyqtyrdyú  olarǵa da upaı aýadaı qajet boldy. Birinshi  goldy qonaqtar soqty. Biz jeńilip jatyrmyz - 0: 1. Sońǵy mınýtta biz esepti teńestirdik! Azshylyqta. Kórdińiz be, men osynyń bárin keshegideı esimde saqtaımyn. Bári kóz aldymda.

Sońǵy týrdy esińizde saqtańyz: «Shahtermen» oınaımyz, jeńis úshin murynnan qan aqty, áıtpese Eýropa Lıgasyn kórmeımiz. Al sońǵy mınýtta Fonseka gol soqty! Osynyń bári meniń esimde.  Komandanyń minezi temir edi!

Fonsekanyń sol goly

- Osy oıynnan keıin siz sheshiný bólmesinde lezgınka bıledińiz. Bul aıaqasty sheshim boldy ma?

- Joq. Bul ýáde bolatyn. Men árqashan sózimdi ustaımyn. Jazda Davıd Lorııa maǵan: «Vıktorıch, eger siz Eýropa lıgasyna kirseńiz, siz Groznyıdaǵydaı bıleısiz be?» - dedi. Men oǵan: «Dál dalada, stadıonda birge óner kórsetemiz» dep jaýap berdim. Biraq men aıtqandaı, Davıd ol kezde operaııada bolatyn. Nege Davıdpen bılegim keldi? Óıtkeni, ol grýzın, lezgınkany qalaı ádemi bıleý kerektigin biledi. Men ýáde etkendeı, sheshiný bólmesinde bıledim. Jigitter ony vıdeoǵa túsirdi, sodan keıin ol jelige tarap ketti. Men eshteńege ókinbeımin, jattyqtyrýshyýádesin  ustaýy kerek dep oılaımyn.

- Ákim rıza boldy. Sizge kelisimshartty jańartýdy usyndy, ma?

Bolat Jumabekuly Baqaýov maýsym aıaqtalǵannan keıin maǵan nátıjege, meniń jumysyma rıza ekenin, ári qaraıǵy yntymaqtastyqqa qýanyshty bolatynyn aıtty. Men sabyrly túrde úıge kettim.

Jarnama jattyqtyrýshysy

- Al siz «Ertis» jańa bapker izdeıtinin qaıdan bildińiz?

- Áriptesińizden. Ol maǵan qońyraý shalyp, «Ertis» jarnama arqyly jattyqtyrýshy izdep jatqanyn biletisiz be dep surady. Men ol ázildep jatyr dep oıladym. Biraq sodan keıin bul ázil emes ekeni belgili boldy.

- Ol kezde ne boldy?

- Bul klýbtyń burynǵy dırektory Janaıdar Dúısembaevtyń ıntrıgalary bolatyn. Munyń bári onyń jasaǵan isi. Ol óz jattyqtyrýshysyn ákelgisi keldi, ol ony qalaýy boıynsha burap, jumsaı alady. Bilesiz be, munyń bári las nárse men agenttiń isi. Ókinishke oraı, Qazaqstanda fýtbol klýbtaryn basqarý  durys jolǵa qoıylmaǵan. Bas bapker nátıjege, proeske, fýtbolshylardyń ósýine jaýap beredi. Keńselerdiń menedjerleri komandaǵa qyzmet kórsetýmen aınalysýy kerek, ony qamtamasyz etýi kerek. Birde-bir fýtbolshy bapkerdiń erkinsiz kelip, ketpeýi kerek. Tek bas bapkerdiń ruqsatymen. Búkil álem osylaı jumys isteıdi. Jattyqtyrýshy tikeleı jumys berýshisine, oǵan jalaqy tóleıtinderge esep berýi kerek. Meniń jaǵdaıymda bul ákim. Eger men «Qaıratta» jumys istesem, onyń ıesi Boranbaev bolar edi. Fýtboldy jaqsy biletin qazaqstandyq klýbtardyń dırektorlaryna jáne Sizge «TheManager» kitabyn oqýǵa keńes beremin. Qajet bolsa olardy jibere alamyn. Onda barlyq proester qalaı bolatyndyǵy sıpattalǵan.

Janaıdar Dúısembaev

- Biraq Dúısembaev fýtboldy túsinbeıdi me?

- Boksshyǵa fýtboldy qalaı túsinýge bolady? Qalaı oılaısyz, men qazir boksqa barsam durys bolar ma?

 

- Joq árıne.

- Nege eshteńeni túsinbeıtinder fýtbol klýbtaryn basqarady? Janaıdar Begaıdaruly «Ertiske» deıin eshqashan bul sportqa qatysy bolmaǵan. Al meni alyp tastady, ne boldy? Bul qalaı bolǵanyn esimizge túsireıik: ol agentterdiń aldap-arbaýynyń áserine boı aldyryp, «Ertiske» ıspandyq Jerar Nýsty ákeldi. Meniń bul balaǵa (Nýsqa)  qarsy eshteńem joq. Másele Nýsta emes. Biraq Nýs qansha ýaqyt jumys istedi?

- Bir jarym-eki aı.

- Bul Nýstyń eńbegine barlyq jaýap. Jigittiń kóp jumys tájirıbesi bolǵan joq. Ol taldaýshy (analıtık) boldy. Al Dúısembaev aqyry jumystan bosatyldy. Biraq kesh boldy, maýsym qyzý júrip jatty, komanda nátıje bermedi, ıspandyqtan keıin kómekshi bolǵan  Dmıtrıı Kýzneov ta komandany  tarta almady.Bunyń aqyry qaıda ákeldi? Olar Dımıtar Dımıtrovty qaıtardy. Biraq, bylyq-shylyqtyń kóptiginen,  áýesqoı menedjerlerdiń búldirgen jumystarynyń kesirinen  Dımıtrovqa óte qıyn boldy. Ol komandany jeńilisten qutqardy. «Ertiske» qatysty buny jetistik dep aıtýǵa bolmaıdy. Áýesqoılardyń arqasynda maýsym sátsiz boldy.

Tyńdańyz, men Máskeýdiń «Spartakta», bolgarııalyq "Levskıde", "Dınamo" Tbılısıde jumys istedim, Ýkraınanyń "Dnepr" sııaqty komandalaryn jattyqtyrdym, men Ýkraınanyń eń úzdik jattyqtyrýshysy dep tanyldym, men Ýkraınanyń qurmetti jattyqtyrýshysymyn. Mende úlken tájirıbe bar. Men barlyq basshylardy kórdim. Biraq «Ertistegi» sııaqty jaǵdaı mende eshqashan bolǵan emes.

- Sizdińshe, Dımıtrov bıyl nege nátıje kórsete almady?

- Maǵan túsinik berý qıyn, sebebin bilmeımin. Sondyqtan meniń óz tarapymnan muny talqylaý durys bolmas edi. Men onymen Bolgarııada kezdesip, sóılesemin dep úmittenemin. Men dál qazir demalystamyn. Biraq bir nárseni naqty aıta alamyn: Dımıtrov - bilikti maman, eger ol oǵan eshkim kedergi jasamas, nátıje berýdi biledi. Onyń klýbtan qalaı shyǵarylǵanyna qarap, oǵan jumys istetpegen dep aıta alamyn. Sonymen, komandada, klýbta birlik bolmady. Eger bul bolmasa, onda nátıje de bolmaıdy. Meniń oıymsha, basshylyq ózderiniń múddelerin jattyqtyrýshy men komandadan joǵary qoıady. Fýtboldy jańadan oılap tabý múmkin emes. Barlyq zańdar jazylǵan. Tek olardy ustaný kerek.

«Olar meni aldady»

-Baqaýov Sizdi qaldyrǵysy keldi dep aıtyp otyrsyz. Biraq, Dúısembaev nelikten jańa bapker izdeı bastady?

- Olar meni aldady dep oılaımyn, olar meni basqa klýbpen keliskenmin dedi.  Ákimge bireýler ótirik aıtqan, men buǵan senimdimin. Aıtpaqshy, men Dúısembaev klýbty resmı emes túrde basqaratynyn estidim. Ol komandamen birge saparlarǵa shyǵady, oıynshylarmen kelissózder júrgizedi.

- Aıtpaqshy, Tobylǵa kóńil aýdaraıyq. Ol jaqtan da jumbaq kúıde kettińiz. Siz jattyǵý jıyndaryna kelip, jańa kelisimshartqa qol qoıýy kerek edińiz, biraq olaı bolmady.

- Olaı aıtatyndarǵa senbeńiz. Men keldim, jıyn ótkizdim. Olar maǵan kelisimshart usyndy. Biraq men oǵan meniń kózqarasym boıynsha shaqyrǵan oıynshylarǵa qol qoıylǵannan keıin ǵana qol qoıatynymdy aıttym. Olar (jańa oıynshylar) maǵan kerek edi, men olar úshin basymdy ıip jaýap berdim. Biraq bul oryndalmady.

- Nege?

- Sodan keıin klýb basshylyǵynda jaı ǵana ózgeris boldy. Biz 2012 jyly Nıkolaı Panınmen birge jumys jasadyq, barlyǵy jaqsy boldy. Biraq sodan keıin ákim jańa dırektor men sport dırektoryn shaqyrýǵa sheshim qabyldady. Bul nemen baılanysty ekenin bilmeımin. Panın, meniń ony qorǵaǵanymdy qalaǵan bolsa kerek. Biraq, Qazaqstanda ákimniń sheshimi talqylanbaıdy, ol muny menen jaqsy biledi.

Qostanaıdaǵy kezeń týraly jaǵymdy estelikter ǵana qaldy, bizde jaqsy komanda boldy, biz keremet fýtbol oınadyq, biraq maýsymnyń sońynda sot zańsyzdyǵyna tap boldyq. Ásirese, esińizde bolsa, bul «Tarazben» bolǵan Qostanaıdaǵy oıynda kórindi. Olar bizdi jankúıerlerimizdiń aldynda ashyq túrde "óltirdi". Jankúıerler ashýlanǵandyqtan, tártip saqshylary sýdıalardyń qaýipsizdigi úshin alańnan OMON-men ketýge májbúr boldy. Týrnırlik kestede biz budan áldeqaıda joǵary bolýymyz kerek edi, biraq tóreshiler bizdi bul múmkindikten aıyrdy. Muny búkil Qazaqstan kórdi.

Endi men Nurbol Jumasqalıevtiń jumysyn kórip, onyń jeńisterine qýanǵanyma óte qýanyshtymyn. Bilesiz be, men "Tobylmen" kelissózge kelgende, ol ákim qabyldaýynda otyrdy. Ol meni kórgende: «Vıktorıch, men esińizdemin be?» dep surady. Men oǵan: «Árıne, siz Spartaktaǵy bizdiń baıqaýymyzda boldyńyz!» dedim.  Ol keremet fýtbolshy boldy. Endi keremet bapker bolady dep úmittenemin. Qalaı bolǵanda da, men oǵan shyn júrekten osylaı bolǵanyn tileımin.

- Ertiske oralaıyq. Sizdiń oıyńyzsha, bul tek menedjerler men jattyqtyrýshylardyń ǵana emes, fýtbolshylardyń da qateligi bolýy múmkin be? Qazirgi nátıjelerge olar da kináli shyǵar?

- Eshkim olardan jaýapkershilikti alyp tastamaıdy, sebebi, olar jaqsy oınaýy kerek edi. Biraq men sizge aıtaıyn: «Ertis» tolyqtaı jaýyngerlik quramǵa ıe. Alaıda, kóshbasshy jetispeıdi. Fonseka bar, biraq oǵan jalǵyz  qıyn. Ol alańdaǵy kóshbasshy. Biraq sheshiný bólmesinde tildik tosqaýyl oǵan kedergi keltiredi. Klýbty osyndaı kúıge keltirgen  laýazymdy adamdar buryn osyndaı nıýanstar týraly oılanýy kerek edi. Eger olar bapkerdiń jumysyna aralaspasa, ózderin maman retinde qalyptastyrýǵa tyryspasa, komandanyń quramyna kirispese, tipti ońaı bolar edi. Sonda kóptegen qatelikterdi boldyrmaýǵa bolady. Men buryn fýtboldy burmalaıtyn eki nárse - agentter men lotereıa oıyndary dep oıladym. Biraq Qazaqstanda úshinshi faktor bar - fýtboldaǵy eshteńeni túsinbeıtin klýbtardaǵy basshylar.

Aýdarǵan "Adyrna" ulttyq portaly

Pikirler