Stanislav Cherchesov futboldan Qazaqstan ūlttyq qūramasynyŋ jattyqtyruşysy qyzmetın saqtap qalady. Būl turaly Qazaqstan futbol federasiiasynyŋ saitynda jazylǧan, dep habarlaidy “Adyrna” ūlttyq portaly QazTAG agenttıgıne sıltep.
«Keibır BAQ-ta futboldan Qazaqstan ūlttyq qūramasynyŋ bas bapkerı Stanislav Cherchesovtyŋ ketuı turaly taraǧan aqparat şyndyqqa säikes kelmeidı», - delıngen Qazaqstan futbol federasiiasynyŋ saitynda.
Būǧan qosa, Cherchesovtyŋ Qazaqstan futbol federasiiasymen älı de qoldanystaǧy kelısımşarty bar ekenı aitylǧan.
Būǧan deiın äleumettık jelılerde jäne aqparattyq resurstarda Cherchesovtyŋ jūmystan ketetını turaly habar taraǧan bolatyn. Eger bas bapker erterek jūmystan şyǧarylatyn bolsa, oǧan 1 million euro kölemınde aiyppūl tölenetını habarlanǧan.
Eske sala keteiık, būǧan deiın Cherchesov qazaq tılınde sūraq qoiǧan qazaqstandyq jurnalistke «Qazır fransuzşa söilep tūrsyŋ ba?» dep jauap berıp, basy dauǧa qalǧan bolatyn. Mūndai pıkırlerdı ol būǧan deiın de aitqan. 15 qazanda Qazaqstannyŋ turizm jäne sport ministrlıgı Cherchesovtyŋ qazaq tılınde sūraq qoiǧan jurnalistke aitqan pıkırı turaly Qazaqstan futbol federasiiasynan tüsınıkteme sūraǧan edı.
Sonymen qatar, Cherchesov Qazaqstan ūlttyq futbol qūramasynyŋ bas bapkerı bolyp taǧaiyndalǧannan keiın Futbol federasiiasynyŋ atqaruşy komitetınen segız adamnyŋ ketkenı habarlanǧan bolatyn.
