Qatar astanasy Dohada aýyr atletıkadan jastar men jasóspirimder arasynda ótken Azııa chempıonaty máresine jetti, dep habarlaıdy "Adyrna" ulttyq portaly.
Qazaqstandyq aýyr atletter bul básekede top jardy.
Aýyr atletıkadan Qazaqstannyń jastar quramasy bul dodada joǵary nátıje kórsetti. Jalpy 12 altyn medal jeńip aldy jáne komandalyq esepte birinshi orynǵa ıe boldy. Aıta ketetin jaıt – bul chempıonatqa Azııanyń basty favorıtteri sanalatyn Qytaı men Soltústik Koreıa quramalary qatysqan joq.
Ekinshi oryndy Ózbekstan sportshylary ıelendi, olardyń enshisinde 10 altyn medal bar. Al úzdik úshtikke 9 altyn júlde jeńip alǵan Vetnam quramasy kirdi. Jastar arasyndaǵy medal kestesi:
Qazaqstan – 12 altyn, 9 kúmis, 12 qola (33 medal);
Ózbekstan – 10 altyn, 7 kúmis, 2 qola (19 medal);
Vetnam – 9 altyn, 16 kúmis, 9 qola 34 medal);
Úndistan – 7 altyn, 8 kúmis, 6 qola (21 medal);
Iran – 6 altyn, 4 kúmis, 6 qola (16 medal).
Jasóspirimder arasyndaǵy jarys nátıjesi boıynsha Qazaqstan quramasy 8 altyn medalmen jalpykomandalyq esepte tórtinshi orynǵa turaqtady. Jasóspirimder arasyndaǵy medal kestesi:
Vetnam – 11 altyn, 5 kúmis, 2 qola (18 medal);
Taıland – 10 altyn, 1 kúmis, 8 qola (19 medal);
Túrikmenstan – 9 altyn, 3 kúmis, 4 qola (16 medal);
Qazaqstan – 8 altyn, 4 kúmis, 9 qola (21 medal);
Ózbekstan – 7 altyn, 10 kúmis, 8 qola (25 medal).
