Qazaqstannyŋ eŋ üzdık tennisşısı Aleksandr Bublik «Match TV»-ge bergen sūhbatynda karerasyn aiaqtaǧan soŋ Reseide tūru jospary bar ekenın aitty, dep habarlaidy “Adyrna” ūlttyq portaly.
Sportşy Leningrad oblysynda tuǧan jäne Sankt-Peterburgte ūzaq uaqyt tūrǧan. 2016 jyldan berı Qazaqstan atynan jarysqa qatysyp keledı, qazırgı uaqytta älemdık reitingte 33-orynda.
Qazırgı kezde Monakoda tūryp jatqan Bublik būl jerdı logistikalyq tūrǧydan yŋǧaily dep sanaidy. Alaida käsıbi mansabyn aiaqtaǧan soŋ oo Reseige oraludy josparlap otyr.
«Men qandai da bır kataklizmderdı eskere otyryp, Sankt-Peterburgte tūrmaqpyn. Qazaqstan üşın oinaimyn jäne ony maqtan tūtamyn, bıraq men oryspyn. Astana maǧan köp kömektestı, bıraq men orys adamy bolǧandyqtan, menı Peterburgke, ondaǧy adamdarǧa tartatyn siiaqty. Öz halqymdy qatty jaqsy köremın, olarǧa erekşe yqylaspen qaraimyn. Mümkın, men būl qalada ömır sürmei tūra almaityn şyǧarmyn», — dep mälımdedı Bublik.
Sonymen qatar, sportşy azamattyǧyn Reseiden Qazaqstanǧa auystyrǧany turaly eşqaşan ökınbeitının aitty.
«Būl şeşım maǧan kömek qajet bolǧan kezde qabyldandy. Qazaqstan menı qoldady, men federasiiaǧa, prezidentke jäne jalpy elge qaryzdarmyn. Qazaqstan maǧan tezırek köterıletın mümkındık berdı. Sondyqtan būǧan ökınbeu kerek. Mūndai oiym joq. Bıraq men Qazaqstan üşın ärqaşan öner körsetemın — būl talqylanbaidy», — dedı Bublik.
Sportşydan Resei azamattyǧyn qaita aluy mümkın be dep sūraǧanda: «Kürdelı sūraq, qazır osy turaly oilamaimyn. Būl sūraqqa äzırşe jauap joq. Teoriialyq tūrǧydan mümkın, bıraq äzırge bılmeimın», — dep jauap berdı Bublik.
