Uzaq jyldar boıy Qazaqstan atynan kúresken belgili dzıýdoshy, Rıo Olımpıadasynyń qola júldegeri Otgoneeg Galbadrah Mońǵolııa azamattyǵyn alýǵa ótinish berdi, dep habarlaıdy «Adyrna» tilshisi 1bol.kz-ke silteme jasap.
Sportshy jeltoqsan aıynda Qazaqstan azamattyǵynan bas tartqan.
Galbadrah Tokıo Olımpıadasynan keıin mansabyn aıaqtap, 2021 jyly Otanyna oralǵan bolatyn. Qazirgi tańda ol Ulan-Batyrda jattyqtyrýshy qyzmetin atqarady. Sportshynyń dzıýdo klýbynda 100-den asa jas sportshy tálim alady.
Aıta keteıik, Mońǵolııada týyp-ósken balýan Qazaqstan azamattyǵyn 2015 jyly alǵan edi. Ol buǵan deıin bul sheshimge bala armany sebep bolǵanyn jetkizdi.
«Armanym olımpıadaǵa barý boldy. Ata-anam Qazaqstan azamattyǵyn alýyma qarsy bolǵan joq, týysqandarym túsindi. Qazaqstanǵa kelgenime ókinbeımin. Meni jyly qabyldaǵan Qazaqstan jankúıerlerine alǵysymdy aıtamyn»,—dedi Galbadrah.
