Ūzaq jyldar boiy Qazaqstan atynan küresken belgılı dziudoşy, Rio Olimpiadasynyŋ qola jüldegerı Otgonseseg Galbadrah Moŋǧoliia azamattyǧyn aluǧa ötınış berdı, dep habarlaidy «Adyrna» tılşısı 1bol.kz-ke sılteme jasap.
Sportşy jeltoqsan aiynda Qazaqstan azamattyǧynan bas tartqan.
Galbadrah Tokio Olimpiadasynan keiın mansabyn aiaqtap, 2021 jyly Otanyna oralǧan bolatyn. Qazırgı taŋda ol Ūlan-Batyrda jattyqtyruşy qyzmetın atqarady. Sportşynyŋ dziudo klubynda 100-den asa jas sportşy tälım alady.
Aita keteiık, Moŋǧoliiada tuyp-ösken baluan Qazaqstan azamattyǧyn 2015 jyly alǧan edı. Ol būǧan deiın būl şeşımge bala armany sebep bolǧanyn jetkızdı.
«Armanym olimpiadaǧa baru boldy. Ata-anam Qazaqstan azamattyǧyn aluyma qarsy bolǧan joq, tuysqandarym tüsındı. Qazaqstanǧa kelgenıme ökınbeimın. Menı jyly qabyldaǧan Qazaqstan janküierlerıne alǧysymdy aitamyn»,—dedı Galbadrah.
