Abaı óńirindegi alapat orman órtine baılanysty bos qalǵan aýyldardy tonaýshylardan qorǵaý jáne qoǵamdyq tártipti saqtaý maqsatynda 100-ge jýyq sarbaz sap qurdy. Olar evakýaııalanǵan eldi mekenderge taban tirep, "jaý jaǵadan alǵanda, bóri etekten" deıtin jaǵdaılarǵa jol bermeýdi kózdep otyr, dep habarlaıdy "Adyrna" ulttyq portaly.
QR Ishki ister mınıstriniń orynbasary-Ulttyq ulannyń Bas qolbasshysy, general-leıtenant Erkin Botaqanovtyń kelisimimen evakýaııalanǵan Polovınka, Kashtak, Talıa jáne Tepkashı aýyldaryna 100-ge jýyq gvardııashy attanady. Sonymen qatar, Semeı qalasynyń 5511 áskerı bóliminiń 8 tehnıkasy iske jegiledi, dep habarlaıdy "Shyǵys" baspasóz qyzmetiniń bas mamany Baǵdat Amangeldi.
Áskerı qyzmetshiler tonaýǵa jol bermeý jáne zardap shekkenderge kómek kórsetý úshin eki aýysymda qyzmet atqarady. Olar qoǵamdyq tártipti qorǵaýdy qamtamasyz etýdi kózdep otyr.
"Adyrna" ulttyq portaly
