Şyǧys Qazaqstan oblysyndaǧy barlyq 11 audan būrynǧy uaqyt beldeuıne tolyqtai köştı, dep habarlaidy "Adyrna" ūlttyq portaly.
13 nauryzdan bastap Şemonaiha jäne Glubokovskii audandarynda memlekettık mekemeler, käsıporyndar men äleumettık sala qyzmetkerlerı jaŋa jūmys kestesıne auysty. Endı olardyŋ jūmys künı 08:00-de bastalyp, 17:30-da aiaqtalady, al tüskı üzılıs 12:00-13:30 aralyǧynda bolady.
Şemonaiha audany äkımdıgı jaŋa jūmys uaqytyn engızu prosesterdı oŋtailandyruǧa kömektesetının mälımdedı. Özgerıs öŋırdıŋ tabiǧi erekşelıkterıne bailanysty qabyldanǧan – būl aimaqta kün erte şyǧyp, erte batady.
Glubokovskii audanynda jergılıktı tūrǧyndarmen kezdesu ötkızılıp, jaŋa kestenıŋ tiımdılıgı talqylanǧan. Audan äkımı Eldar Tūmaşinov būl özgerıstıŋ tūrǧyndardyŋ ömırı men eŋbek jaǧdaiyn jaqsartuǧa kömektesetının atap öttı.
Eske salaiyq, 2023 jylǧy 19 qaraşada Ükımet Qazaqstanda bıryŋǧai uaqyt beldeuın engızu turaly şeşımdı maqūldady.
Ǧylym jäne joǧary bılım ministrı Saiasat Nūrbek uaqyt beldeuınıŋ özgeruınıŋ qazaqstandyqtarǧa äserı zertteletının aitty. Būl maqsatqa 100 mln teŋge bölınbek. Alaida zertteu nätijesıne qaramastan, uaqyt beldeuın özgertu turaly şeşım özgermeitını belgılı boldy.
22 qaraşada eGov mobile qosymşasynda uaqyt beldeuıne qatysty saualnama jürgızıldı. 200 myŋ adam jauap bergen soŋ, saualnama aiaqtaldy.
Aita keteiık, būǧan deiın Şyǧys Qazaqstan oblysynyŋ 4 audany "būrynǧy uaqyt beldeuıne" köşken edı. Endı būl özgerıs bükıl oblys aumaǧynda jüzege asty.
Ūqsas jaŋalyqtar
