«Qazaqmys» kompanııalar toby Ulytaý aýdanynda ornalasqan Shyǵys-Jezqazǵan kenishinde búgin bolǵan qaıǵyly oqıǵa týraly málimdedi, dep habarlaıdy "Adyrna" ulttyq portaly.
№57 shahtada taýarly-materıaldyq qundylyqtardy (TMQ) túsirý kezinde 1994 jyly týǵan jumysshy júk kóterý shahtasynyń ótkel alańyna qulap ketken.
Aýyr jaraqat saldarynan ol oqıǵa ornynda kóz jumǵan.
Oqıǵanyń mán-jaıy men jaýapkershiligin anyqtaý úshin arnaıy komıssııalar quryldy.
«Qazaqmys» basshylyǵy men ujymy marqumnyń jaqyndary men týystaryna kóńil aıtady.
Marqumnyń otbasyna ujymdyq shart aıasynda qarastyrylǵan barlyq qajetti kómek, onyń ishinde jerleý rásimine qatysty shyǵyndar óteletin bolady.
