Qyzylordada bes ailyq säbidı anasymen qosa kölıkpen qaǧyp, oqiǧa ornynan qaşyp ketken jürgızuşıge ızdeu jariialandy. Jol-kölık oqiǧasy saldarynan säbi köz jūmdy, al auyr jaraqat alǧan anasy jansaqtau bölımınde em qabyldap jatyr, dep habarlaidy “Adyrna” ūlttyq portaly Tengrinews.kz saityna sıltep
Qaiǧyly jaǧdai 13 qazanda Qyzylorda qalasynda bolǧan. Äleumettık jelılerde taraǧan aqparatqa säikes, Mitsubishi Lancer avtokölıgınıŋ jürgızuşısı 26 jastaǧy äiel men onyŋ bes ailyq ūlyn qaǧyp ketkennen keiın oqiǧa ornynan ketıp qalǧan.
Oblystyq densaulyq saqtau basqarmasynyŋ mälımetınşe, ana men säbi dereu auruhanaǧa jetkızılgen. Alaida därıgerlerdıŋ kömegıne qaramastan, balanyŋ ömırın saqtap qalu mümkın bolmaǧan. Al äiel auyr halde jansaqtau bölımıne jatqyzylǧan.
Atalǧan faktı boiynşa polisiia sotqa deiıngı tergep-tekserudı bastaǧan. Küdıktınıŋ kım ekenı anyqtalǧanymen, ony ūstau şaralary älı jalǧasyp jatyr. Qūqyq qorǧau organdary jürgızuşını segız künnen berı ızdestırude.
Qyzylorda oblysynyŋ polisiia departamentı 2000 jylǧy 1 şıldede tuǧan Aleksei Aleksandrovich Velikovty ızdestırıp jatyr.
Ol Qazaqstan Respublikasy Qylmystyq kodeksınıŋ 345-baby 3-bölıgı boiynşa, iaǧni abaisyzda adam ölımıne äkep soqqan jol jürısı qaǧidalaryn būzdy degen küdıkke ılıngen.
Atalǧan bap boiynşa bes jylǧa deiın bas bostandyǧynan aiyru, sondai-aq belgılı bır lauazymdardy atqaru nemese belgılı bır qyzmetpen ainalysu qūqyǧynan aiyru jazasy qarastyrylǧan.
Polisiia mälımetıne säikes, küdıktıge qatysty qamauda ūstau türındegı būltartpau şarasy taŋdalǧan.
Küdıktınıŋ qaida jürgenı turaly qandai da bır mälımet bıletın azamattardan polisiiaǧa habarlasu sūralady. Bailanys nömırlerı:
- 27-64-71;
- 29-75-07;
- 27-42-06;
- 29-75-69;
- 27-45-47.
Polisiia basqarmasynyŋ mekenjaiy: Qyzylorda qalasy, Töle bi köşesı, 112.
20 qazandaǧy mälımet boiynşa, äiel esın jiyp, özdıgınen tynys ala bastaǧan. Degenmen onyŋ jaǧdaiy älı de tūraqty auyr dep baǧalanyp otyr. Därıgerler nauqasqa qarqyndy terapiia jürgızudı jalǧastyryp jatyr.
