Almaty oblysy äkımınıŋ orynbasary Äset Masabaev jol apatyna ūşyrady, dep habarlaidy "Adyrna" ūlttyq portaly.
Oblystyq polisiia departamentınıŋ mälımetınşe, oqiǧa Almaty qalasynyŋ maŋynda, naqtyraq aitqanda Töŋkerıs – Baiserke tas jolynda bolǧan.
«Töŋkerıs – Baiserke avtojolynda oryn alǧan jol-kölık oqiǧasy boiynşa qylmystyq ıs tırkelıp, tergeu amaldary jürgızılude», – delıngen Almaty oblysy PD baspasöz qyzmetınıŋ resmi jauabynda.
Öŋırdıŋ densaulyq saqtau basqarmasynyŋ baspasöz qyzmetınıŋ mälımetınşe Äset Masabaevtyŋ jaǧdaiy tūraqty.
«Jol apatynan keiıngı pasienttıŋ jaǧdaiy tūraqty dep baǧalanady, ol esın bıledı. Almaty oblysynda bekıtılgen hattamaǧa säikes medisinalyq kömek körsetılıp jatyr», – dedı oblystyq densaulyq saqtau basqarmasy.
Aita keteiık, 2023 jyly Aset Masabaev Taldyqorǧan qalasynyŋ äkımı bolyp tūrǧan kezınde de jansaqtau bölımıne tüsken. Ol kezde onyŋ auruhanaǧa “jüike jüiesınıŋ syr beruıne bailanysty” tüskenı habarlanǧan edı.
