الماتى گارنيزونىنىڭ اسكەري سوتى ءماجىلىس دەپۋتاتى داۋلەت تۇرلىحانوۆتىڭ سوتتالعان ۇلى نۇراسىل بولاتتىڭ الماتىدا قىدىرىپ جۇرگەن ۆيدەوسىنا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
«الماتى گارنيزونىنىڭ اسكەري سوتى بولات ن.-عا قاتىستى ءىس بويىنشا سوت اكتىسى ونىڭ تىركەلگەن جەرى بويىنشا استانا قالاسىنىڭ قىلمىستىق ىزدەستىرۋ دەپارتامەنتىنە ورىنداۋ ءۇشىن دەرەۋ جىبەرىلگەنىن حابارلايدى. استانا قالاسى بايقوڭىر اۋدانى بويىنشا پروباتسيا قىزمەتىنىڭ حاتىندا ۇكiم بويىنشا مەكەنجايعا سايكەس كەلمەۋiنە بايلانىستى ماتەريال ورىندالماي قايتارىلدى»،—دەلىنگەن حابارلامادا.
ءباسپاسوز قىزمەتى سوتتالۋشىنىڭ ناقتى تۇرعىلىقتى جەرىن انىقتاۋ بويىنشا ءىس-شارالار جۇرگىزىلگەنىن اتاپ ءوتتى. وعان ەر ادامنىڭ دەرەكتەرىن سۇراتۋ كەزىندە ەكى قالادا ورنالاسقان ەكى مەكەنجايدىڭ كورسەتىلۋى سەبەپ بولعان.
«اتالعان راسىمدەردىڭ ۇزاقتىعىنىڭ سەبەپتەرىن انىقتاۋ ماقساتىندا تەكسەرۋ جۇرگىزىلىپ جاتىر. قازىرگى ۋاقىتتا ءىس بويىنشا ۇكىم الماتى مەن استانادا تىركەلگەن جەرى بويىنشا پروباتسيا قىزمەتىنە جىبەرىلدى»،—دەپ تولىقتىردى اسكەري سوت وكىلدەرى.
ەسكە سالايىق، بۇعان دەيىن الەۋمەتتىك جەلىدە شارتتى مەرزىمگە سوتتالعان نۇراسىل بولاتتىڭ تۇندە الماتىدا جۇرگەن ۆيدەوسى تاراعان ەدى.
