Májilis depýtaty Dáýlet Turlyhanovtyń uly probaııalyq baqylaý tártibin buzdy dep aıyptalyp, onyń áreketine túsinikteme berildi, - dep habarlaıdy "Adyrna" ulttyq portaly.
Qazaqstandyq zańger Anna Chernova áleýmettik jelide bas bostandyǵyn shekteý jazasyna kesilgen Nurasyl Bolattyń Almatyda túnde dostarymen birge kóshede júrgen vıdeosyn jarııalady.
«Tańerteń Direct-ke osyndaı vıdeo keldi. Onda Májilis depýtaty Dáýlet Turlyhanovtyń uly Nurasyl Bolattyń turǵanyn kórdim. Onyń bostandyǵy shektelgen jáne oǵan qosymsha talaptardy oryndaý júktelgen. Biraq, vıdeodan onyń zańǵa qaıshy áreket etip, talaptardy saqtamaǵanyn baıqaýǵa bolady», - dep jazdy zańger Anna Chernova Instagram-daǵy paraqshasynda.
Ishki ister mınıstrligi Qylmystyq-atqarý júıesi komıtetiniń (QAJK) baspasóz qyzmeti sottalýshyǵa qatysty úkim 14 tamyzda probaııa qyzmetine (bekitý orny boıynsha) oryndaýǵa jiberilgenin habarlady.
«Zańǵa sáıkes probaııalyq baqylaý sottalǵan adam esepte turǵan sátten bastap júzege asyrylady», - dep túsindirdi túzeý mekemesi.
Eske sala keteıik, buǵan deıin depýtat Dáýlet Turlyhanovtyń uly Nurasyl Bolattyń Almaty kósheleriniń birinde dostarymen júrgen vıdeosy taraǵan bolatyn. Shaǵymdanýshy Chernova Nurasyl Bolattyń bas bostandyǵynan shektelse de, erkindikte júrgenine shaǵymdanǵan edi.
