Ulttyq ekonomıka mınıstriniń mindetin atqarýshy Álibek Qýantyrov úkimet otyrysynda kórshi eldermen shekaralas aımaqtarda qonys tepken aýyldardyń áleýetin kóterý máselesin sóz etti. Elimizdegi 65 aýdanda shekara boıynda ornalasqan 1 283 aýyl bar ekenin málimdedi, dep habarlaıdy "Adyrna" ulttyq portaly.
Shekara boıynda qonystanǵan aýyl-aımaqtarǵa 1,7 mln halyq turady. Shekara mańyndaǵy aýyldardyń áleýetin arttyrý boıynsha 290 jobany iske asyrý kózdelip otyr.
"Elimizde 65 aýdanda 1,7 mln halqy turatyn barlyǵy 1283 shekara mańyndaǵy aýyl bar. "Aýyl – el besigi" jobasyn iske asyrý sheńberinde 2023 jylǵa 140 shekara mańyndaǵy aýylda 290 jobany iske asyrý josparlanýda. Aýyldyq aýmaqtardy damytýdyń 2023-2027 jyldarǵa arnalǵan jańa tujyrymdamasynda shekara mańyndaǵy aýmaqtardy damytýǵa aıryqsha kóńil bólindi", – dedi Qýantyrov.
Onyń ishinde, áleýmettik jáne ınjenerlik ınfraqurylymdy salý jáne jóndeý, otandyq telearnalardyń ıfrlyq efırlik tele jáne radıo habar taratýyn qamtamasyz etý, eńbek tapshylyǵy bar shekara mańy aýyldyq okrýgterindegi turǵyndardyń jalaqysyna ústemeaqy qosý jáne basqa baǵyttar bar. Shekaralas aımaqtarda ornalasqan eldi-meken turǵyndaryna ózge da jeńildikter berý múmkindigi kózdelgen.
"Budan basqa, ótkizý pýnktteriniń ınfraqurylymyn damytý kózdelgen.
Shekara mańyndaǵy óńirlerdi qosa alǵanda, búkil aýyl halqynyń tabysyn arttyrýǵa baǵyttalǵan quraldardyń biri "Aýyl amanaty" jobasyn iske asyrý bolady. Ol úshin árbir aýyldyq okrýgtiń mamandyǵyn aıqyndaı otyryp, skrınıng júrgizý, sondaı-aq, jeke qosalqy sharýashylyqtarǵa mıkrokredıt berý, servıstik-ótkizý kooperatıvterin qalyptastyrý, tehnıkamen jáne jabdyqpen lızıngke qamtamasyz etý sharalary iske asyrylatyn bolady", – dedi Álibek Qýantyrov.
"Adyrna" ulttyq portaly
