18 jeltoqsan, beisenbı künı Taşkentte Qazaqstan Respublikasynyŋ Mädeniet jäne aqparat ministrlıgı men Özbekstan Respublikasy Prezidentı Äkımşılıgınıŋ janyndaǧy Aqparat jäne būqaralyq kommunikasiialar agenttıgınıŋ ökılderı kezdesu ötkızdı.
Kezdesu qorytyndysy boiynşa taraptar 2025 jylǧa arnalǧan aqparattyq saladaǧy özara ıs-qimyl josparyna qol qoidy.
Qūjatqa Özbekstan Prezidentınıŋ 8 tamyzda Qazaqstanǧa jasaǧan saparynyŋ qorytyndysy boiynşa berılgen tapsyrmalar aiasynda qol qoiyldy. Sol saparda Qasym-Jomart Toqaev pen Şavkat Mirziioev būqaralyq kommunikasiialar salasyndaǧy ekıjaqty yntymaqtastyq turaly bırlesken mälımdeme men şeşım qabyldaǧan bolatyn.
Josparda mediakontent almasudy ūiymdastyru, BAQ üşın treningter men seminarlar ötkızu, baspasöz hatşylarynyŋ bılıktılıgın arttyru, jas jurnalisterdı qoldau jäne dezinformasiiaǧa qarsy bırlesken küres qarastyrylǧan.
Qazaqstannyŋ Mädeniet jäne aqparat ministrlıgı bırlesken mediajobalardy integrasiialaudyŋ maŋyzdylyǧyn jäne dezinformasiia men jalǧan jaŋalyqtarǧa qarsy küres mehanizmderın äzırleu qajettılıgın atap öttı.
Taraptar Qazaqstan men Özbekstan arasyndaǧy täjıribe almasu maqsatynda BAQ ökılderı üşın baspasöz turlaryn ūiymdastyruǧa kelıstı.
Sonymen qatar, kezdesu barysynda Qazaqstan Prezidentı Teleradio keşenınıŋ basqaruşy direktory Robert Muradian Ortalyq Aziia elderımen yntymaqtastyq pen kontent almasudy nyǧaituǧa baǧyttalǧan qazaqstandyq Silk Way telearnasynyŋ josparlary men perspektivalary turaly aitty.
Talqylau qorytyndysy boiynşa taraptar kontent almasuǧa daiyn ekenderın bıldırdı.
Aita keteiık, 17-19 jeltoqsan aralyǧynda Qazaqstan delegasiiasy Türkı memleketterınıŋ ūiymyna müşe elderdıŋ aqparat jäne BAQ-qa jauapty ministrler men joǧary lauazymdy tūlǧalarynyŋ VI keŋesıne qatysyp jatyr.
Ūqsas jaŋalyqtar
