Sybaılas jemqorlyqqa qarsy qyzmet QR Ulttyq mýzeıiniń dırektory A.Muhamedıulyna (QR Mádenıet jáne sport eks-mınıstri) jáne ózge adamdarǵa qatysty bıýdjet qarajatyn asa iri mólsherde urlaý faktileri boıynsha tergeý júrgizip jatyr. Olar Arystan Muhamedıulynyń qyzmetine qatysty tyń derekterdi usyndy, dep habarlaıdy “Adyrna” ulttyq portaly.
Agenttik taratqan aqparatqa súıensek, júrgizilip jatqan tergeý aıasynda A. Muhamedıulymen jáne basqalarmen sóz baılasyp, "Álem murajaılary boıynsha Altyn adamnyń sherýi" halyqaralyq kórmesiniń jobasyn iske asyrý kezinde 221 mıllıon teńge somasynda senip tapsyrylǵan bıýdjet qarajatyn urlaýǵa qatysqan "QR Ulttyq murajaıy" RMQK dırektorynyń burynǵy orynbasary Almas Nurazhan ustaldy.
"Astana qalasynyń mamandandyrylǵan aýdanaralyq tergeý sotynyń sankııasymen A.Sh. Nurazhan 2 aı merzimge qamaýǵa alyndy", - dep habarlady sybaılas jemqorlyqqa qarsy is-qımyl agenttiginiń baspasóz qyzmeti.
Qazirgi ýaqytta bul iske qatysty tolyqqandy tergeý júrip jatyr.
“Adyrna” ulttyq portaly
