Germaniia astanasy Berlinde Qazaqstandaǧy tūrmystyq zorlyq-zombylyqqa qarsy aksiia öttı. Būl turaly Euronews jariialady, dep habarlaidy “Adyrna” ūlttyq portaly.
Şeru äielın öltırdı dep aiyptalǧan eks-ministr Quandyq Bişımbaevtyŋ soty ötıp jatqanda boldy. Bişımbaev sotta "Nükenovanyŋ ölımıne qatysy baryn" aitady, bıraq "asa qatygezdıkpen öltırmedım" deidı.
Euronews telearnasynyŋ habarlauynşa, şaraǧa qazaq, aǧylşyn jäne orys tılınde plakat alyp kelgen ondaǧan adam kelgenın, olar "qol köterse sottaluy kerek", "Bişımbaevqa ömır boiyna türme jazasy kesılsın" dep ūrandatqan.
Aksiia qatysuşylar Euronews telearnasyna bergen sūhbatynda Qazaqstanda tūrmystyq zorlyq-zombylyq älı qylmys dep tanylmaǧanyn aityp, eks-ministr türme jazasynan qūtylyp ia jeŋıl jaza almauy tiıs degen. Şaraǧa kelgender Qazaqstanda zorlyq-zombylyqty joiu üşın tūrmystyq zombylyqqa qarsy zaŋ qabyldau kerek dep aitqan.
Ūiymdastyruşylardyŋ esebınşe Berlindegı aksiiaǧa 120-dan asa adam qatysqan. Olardyŋ arasynda Qazaqstannan bölek Äzerbaijan, Ündıstan, Qyrǧyzstan, Türkımenstan, Özbekstan, Ukraina jäne Oŋtüstık Koreiadan da adamdar bolǧan.
Eske salsaq, Quandyq Bişımbaev Saltanat Nükenovany 2023 jyldyŋ qaraşasynda meiramhananyŋ VIP kabinasynda segız saǧat boiy ūryp-soǧyp, keiın aiǧaqtardy joimaq bolǧan. Oqiǧaǧa jinalǧandardyŋ eşqaisysy aralaspady. Kelesı künı taŋerteŋ Saltanat meiramhanadan ölı tabyldy.
Qazır būl ıs boiynşa sot prosesı jürıp jatyr, bıraq Bişımbaev öz kınäsın moiyndamai, sotta özın dörekı ūstauda. Saltanattyŋ qūrbysy Linara Smaǧūlova būǧan deiın Bimışbaevtyŋ äielın ünemı qorlap, ūryp-soǧyp jürgenın BAQ ökılderıne aitqan bolatyn. Osy jolǧy jiynda narazylyq bıldıruşıler Qazaqstanda tūrmystyq zorlyq-zombylyq üşın jazany qataityp, eks-ministrdı ömır boiyna bas bostandyǧynan aiyrudy talap ettı.
