Ǧylym jäne joǧary bılım ministrı joǧary ball jinaǧan qazaqstandyq tülekterdıŋ grantty jeŋıp ala almaǧanyn tüsındırdı, dep habarlaidy "Adyrna" ūlttyq portaly.
Ministr Saiasat Nūrbek joǧary oqu oryndaryna tüsu üşın oinatylǧan bılım granty konkursynyŋ ädıl ötkenın aitady.
Ministrdıŋ tüsındırmesıne säikes, joǧary ball jinap, degenmen joǧary oqu oryndaryna grant ala almaǧandar az grant bölıngen mamandyqqa tapsyrypty.
“90 baldan joǧary jinap, memlekettık bılım beru granttaryn ūta almai qalǧan 10 607 talapkerdı mūqiiat qarastyraiyq. Būl abiturentter qandai mamandyqqa tapsyrǧan? Bırınşı, eŋ köp adam tapsyrǧan mamandyq – Dene şynyqtyru pänınıŋ mūǧalımı. 3052 adam būl mamandyq boiynşa grant ala almady. Sebebı bız būǧan biyl 600 ǧana grant bölgenbız. Taǧy bır 941 adam grant ūta almai qalǧan mamandyq – Sän jäne dizain. Biyl būl salaǧa 205 grant bölıngen, al tapsyrǧandar sany 1624 adam. Suret önerı men syzu pänıne daiyndyq mamandyǧyna 120 grant bölsek, 713 adam ötınış bıldırgen. Joǧary ball alyp grant ūta almai qalǧandardyŋ 70 paiyzy memleketke sūranys tudyrmaityn mamandyqqa tapsyrǧan”, – dedı ministr.
Tiktok äleumettık jelısınde tülekter TJ bolǧan aimaq tülekterıne basymdyq berılgenın aityp, konkurstyŋ nätijesıne köŋılı tolmaityndaryn jetkızude. Al ministr bärınıŋ ädıl, aşyq ötkenın alǧa tartty. Ükımet otyrysyndaǧy sözınde ol su tasqynynan zardap şekken öŋırlerdıŋ tülekterıne 5 myŋnan astam kvota bölıngenın jetkızdı.
“Eger şynymen kömekteskımız kelse, nege qosymşa qarajat bölmegenımızge syn aityluda. Mūnda negızgı qūraldar, eŋ aldymen, fizikalyq kömekke-tūrǧyn üidı qalpyna keltıruge jūmsalǧanyn naqty tüsınu kerek. Al talapkerler üşın ekı arnaiy mümkındık berdık. Bırınşısı ŪBT tapsyru merzımın 25 şıldege deiın ūzarttyq, ekınşısı qaŋtar jäne nauryz ailarynyŋ synaq ŪBT sertifikattaryn paidalanuǧa mümkındık berdık.
Su basqan öŋırlerden 20 myŋnan astam tülektıŋ jartysynan köbı jalpy konkurs boiynşa öttı. Zardap şekken oblystardan talapkerler üşın barlyǧy 5 112 grant bölındı. Būl aimaqtardy qoldau üşın talapkerlerge daiyndalu jäne konkursqa qūjattaryn tapsyru üşın merzımı ūzartyldy jäne konkursqa eŋ jaqsy ŪBT nätijesı bar sertifikatyn ūsynu mümkındıgı berıldı", – delıngen ministrdıŋ jauabynda.
Ministr sonymen qatar osy mümkındıktı 1120 adam paidalanyp, joǧary ballmen sertifikattar alyp eseptelgenın atap öttı.
"Taǧy da qaitalaimyn, būl tek bır kölemdegı şara boldy, tek osy jylǧa arnalǧan. Jalpy, kvotany, şamamen 5 myŋ adam paidalandy. Qalǧan 10 myŋ adam jalpy konkursqa qatysty. Sondyqtan būl şartty kvota boldy. Bızde qosymşa qarajat böluge mümkındık bolmady”, - dedı Saiasat Nūrbek.
Ūqsas jaŋalyqtar
