عىلىم جانە جوعارى ءبىلىم ءمينيسترى جوعارى بالل جيناعان قازاقستاندىق تۇلەكتەردىڭ گرانتتى جەڭىپ الا الماعانىن ءتۇسىندىردى، دەپ حابارلايدى "ادىرنا" ۇلتتىق پورتالى.
مينيستر ساياسات نۇربەك جوعارى وقۋ ورىندارىنا ءتۇسۋ ءۇشىن ويناتىلعان ءبىلىم گرانتى كونكۋرسىنىڭ ءادىل وتكەنىن ايتادى.
ءمينيستردىڭ تۇسىندىرمەسىنە سايكەس، جوعارى بالل جيناپ، دەگەنمەن جوعارى وقۋ ورىندارىنا گرانت الا الماعاندار از گرانت بولىنگەن ماماندىققا تاپسىرىپتى.
“90 بالدان جوعارى جيناپ، مەملەكەتتىك ءبىلىم بەرۋ گرانتتارىن ۇتا الماي قالعان 10 607 تالاپكەردى مۇقيات قاراستىرايىق. بۇل ابيتۋرەنتتەر قانداي ماماندىققا تاپسىرعان؟ ءبىرىنشى، ەڭ كوپ ادام تاپسىرعان ماماندىق – دەنە شىنىقتىرۋ ءپانىنىڭ مۇعالىمى. 3052 ادام بۇل ماماندىق بويىنشا گرانت الا المادى. سەبەبى ءبىز بۇعان بيىل 600 عانا گرانت بولگەنبىز. تاعى ءبىر 941 ادام گرانت ۇتا الماي قالعان ماماندىق – سان جانە ديزاين. بيىل بۇل سالاعا 205 گرانت بولىنگەن، ال تاپسىرعاندار سانى 1624 ادام. سۋرەت ونەرى مەن سىزۋ پانىنە دايىندىق ماماندىعىنا 120 گرانت بولسەك، 713 ادام ءوتىنىش بىلدىرگەن. جوعارى بالل الىپ گرانت ۇتا الماي قالعانداردىڭ 70 پايىزى مەملەكەتكە سۇرانىس تۋدىرمايتىن ماماندىققا تاپسىرعان”، – دەدى مينيستر.
تيكتوك الەۋمەتتىك جەلىسىندە تۇلەكتەر تج بولعان ايماق تۇلەكتەرىنە باسىمدىق بەرىلگەنىن ايتىپ، كونكۋرستىڭ ناتيجەسىنە كوڭىلى تولمايتىندارىن جەتكىزۋدە. ال مينيستر ءبارىنىڭ ءادىل، اشىق وتكەنىن العا تارتتى. ۇكىمەت وتىرىسىنداعى سوزىندە ول سۋ تاسقىنىنان زارداپ شەككەن وڭىرلەردىڭ تۇلەكتەرىنە 5 مىڭنان استام كۆوتا بولىنگەنىن جەتكىزدى.
“ەگەر شىنىمەن كومەكتەسكىمىز كەلسە، نەگە قوسىمشا قاراجات بولمەگەنىمىزگە سىن ايتىلۋدا. مۇندا نەگىزگى قۇرالدار، ەڭ الدىمەن، فيزيكالىق كومەككە-تۇرعىن ءۇيدى قالپىنا كەلتىرۋگە جۇمسالعانىن ناقتى ءتۇسىنۋ كەرەك. ال تالاپكەرلەر ۇشىن ەكى ارنايى مۇمكىندىك بەردىك. ءبىرىنشىسى ۇبت تاپسىرۋ مەرزىمىن 25 شىلدەگە دەيىن ۇزارتتىق، ەكىنشىسى قاڭتار جانە ناۋرىز ايلارىنىڭ سىناق ۇبت سەرتيفيكاتتارىن پايدالانۋعا مۇمكىندىك بەردىك.
سۋ باسقان وڭىرلەردەن 20 مىڭنان استام تۇلەكتىڭ جارتىسىنان كوبى جالپى كونكۋرس بويىنشا ءوتتى. زارداپ شەككەن وبلىستاردان تالاپكەرلەر ءۇشىن بارلىعى 5 112 گرانت ءبولىندى. بۇل ايماقتاردى قولداۋ ءۇشىن تالاپكەرلەرگە دايىندالۋ جانە كونكۋرسقا قۇجاتتارىن تاپسىرۋ ءۇشىن مەرزىمى ۇزارتىلدى جانە كونكۋرسقا ەڭ جاقسى ۇبت ناتيجەسى بار سەرتيفيكاتىن ۇسىنۋ مۇمكىندىگى بەرىلدى", – دەلىنگەن ءمينيستردىڭ جاۋابىندا.
مينيستر سونىمەن قاتار وسى مۇمكىندىكتى 1120 ادام پايدالانىپ، جوعارى باللمەن سەرتيفيكاتتار الىپ ەسەپتەلگەنىن اتاپ ءوتتى.
"تاعى دا قايتالايمىن، بۇل تەك ءبىر كولەمدەگى شارا بولدى، تەك وسى جىلعا ارنالعان. جالپى، كۆوتانى، شامامەن 5 مىڭ ادام پايدالاندى. قالعان 10 مىڭ ادام جالپى كونكۋرسقا قاتىستى. سوندىقتان بۇل شارتتى كۆوتا بولدى. بىزدە قوسىمشا قاراجات بولۋگە مۇمكىندىك بولمادى”، - دەدى ساياسات نۇربەك.
