Ál-Farabı atyndaǵy Qazaq Ulttyq ýnıversıtetinde stýdentterdiń jeke aqparatyn taratqandardyń kim ekeni anyqtaldy, dep habarlaıdy "Adyrna" tilshisi.
Mınıstr Saıasat Nurbek jelide shý bolǵan tizimdi jarııalaǵandardyń jaýapqa tartylatynyn málimdegen bolatyn.
Joǵary oqý ornynyń ókilderi stýdent qyzdardyń tizimin medıınalyq qyzmet kórsetetin mekemeniń qyzmetkeri jibergenin habarlady. 6 aqpan kúni QazUÝ-ǵa kelisimshart negizinde medıınalyq qyzmet kórsetetin "Smart Health University City" JShS medbıkesi Whatsapp messendjeri arqyly mehanıka-matematıka fakýltetiniń flıýorografııalyq zertteýden ótpegen 3-4-kýrs stýdentteriniń Excell formatyndaǵy qujattaryn daıyndap, ony fakýltet dekanatynyń mamanyna jibergen.
“Berilgen qujattarda stýdentterdiń tegi men aty-jóninen basqa medıınalyq qupııaǵa qatysty málimetter de bolǵan. Keıinnen ýnıversıtet stýdentterine qatysty dárigerlik qupııany quraıtyn derbes derekter men málimetter messendjerler arqyly tarap ketken”, – delingen resmı habarlamada.
Atalǵan fakt boıynsha ýnıversıtette qyzmettik tekserý júrgiziletin bolady.
“Almaty qalasynyń prokýratýrasyna osy fakt boıynsha prokýrorlyq áreket etý sharalaryn qabyldaýdy jáne stýdentterdiń quqyǵyn qorǵaýdy qamtamasyz etýdi surap ótinish joldandy. Ýnıversıtet "Smart Health University City" JShS-men shartty buzý týraly máseleni qarastyryp jatyr”, – delingen.
