Äl-Farabi atyndaǧy Qazaq Ūlttyq universitetınde studentterdıŋ jeke aqparatyn taratqandardyŋ kım ekenı anyqtaldy, dep habarlaidy "Adyrna" tılşısı.
Ministr Saiasat Nūrbek jelıde şu bolǧan tızımdı jariialaǧandardyŋ jauapqa tartylatynyn mälımdegen bolatyn.
Joǧary oqu ornynyŋ ökılderı student qyzdardyŋ tızımın medisinalyq qyzmet körsetetın mekemenıŋ qyzmetkerı jıbergenın habarlady. 6 aqpan künı QazŪU-ǧa kelısımşart negızınde medisinalyq qyzmet körsetetın "Smart Health University City" JŞS medbikesı Whatsapp messendjerı arqyly mehanika-matematika fakultetınıŋ fliuorografiialyq zertteuden ötpegen 3-4-kurs studentterınıŋ Excell formatyndaǧy qūjattaryn daiyndap, ony fakultet dekanatynyŋ mamanyna jıbergen.
“Berılgen qūjattarda studentterdıŋ tegı men aty-jönınen basqa medisinalyq qūpiiaǧa qatysty mälımetter de bolǧan. Keiınnen universitet studentterıne qatysty därıgerlık qūpiiany qūraityn derbes derekter men mälımetter messendjerler arqyly tarap ketken”, – delıngen resmi habarlamada.Atalǧan fakt boiynşa universitette qyzmettık tekseru jürgızıletın bolady.
“Almaty qalasynyŋ prokuraturasyna osy fakt boiynşa prokurorlyq äreket etu şaralaryn qabyldaudy jäne studentterdıŋ qūqyǧyn qorǧaudy qamtamasyz etudı sūrap ötınış joldandy. Universitet "Smart Health University City" JŞS-men şartty būzu turaly mäselenı qarastyryp jatyr”, – delıngen.
Ūqsas jaŋalyqtar
