Ǵylym jáne joǵary bilim mınıstri qazaqstandyqtarǵa biryńǵaı saǵat beldeýiniń áseri týraly zertteý jaıynda aıtty, dep habarlaıdy “Adyrna” ulttyq portaly Tengrinews.kz-ke siltep.
Saıasat Nurbektiń aıtýynsha, Qazaqstan Respýblıkasynyń densaýlyq saqtaý mınıstrligi qazaqstandyqtarǵa biryńǵaı saǵat beldeýiniń áserin zertteý boıynsha arnaıy ǵylymı zertteý júrgizý týraly ótinim bergen. Zertteý úshin eldiń jetekshi ınstıtýttary tartylatyn bolady.
«Biz jetekshi ınstıtýttardy, sonyń ishinde geografııa ınstıtýtyn, sondaı-aq fızıologııalyq jáne medıınalyq aspektilerin zertteıtin densaýlyq saqtaý mınıstrliginiń ınstıtýttaryn tartýdy josparlap otyrmyz. Jaqyn arada Joǵary ǵylymı-tehnıkalyq komıssııa otyrys ótkizip, biz osy taqyrypty tanystyramyz. Eger maquldansa, birden konkýrs jarııalap, zertteýge kirisemiz», - dep jaýap berdi mınıstr.
Zertteý júrgizý úshin qansha qarajat qajet bolatynyn mınıstr naqty aıta almady.
Biraq «ótinim kelip túskenin» aıtyp, somasyn «qosymsha naqtylaıtynyn» jetkizdi.
