Parıj Olımpıadasynda 60 keli salmaqta synǵa túsken Eldos Smetov qarsylasyn jeńip, altyn ıelengen. Aqtóbelik kásipker chempıonǵa erekshe syılyq jasaıtynyn aıtty, dep habarlaıdy "Adyrna" ulttyq portaly.
Aqtóbelik kásipker Anýar Mahanov 100 jylqy syılamaq. Kúlli qazaqty jeńisimen qýantqan sportshyǵa jergilikti kásipker chempıonǵa 100 bas jylqy syılaıtynyn aıtty.
Ol Parıjdegi qazaq batyrymen tikeleı sóılesip, syılyǵyn daıyndap qoıǵanyn da jetkizgen.
"Eldos – naǵyz qazaq batyry. Ol osy altynǵa jetý úshin óz jastyǵyn sarp etti. Ata-anasynyń, qalyń eldiń úmitin aqtap, jaraqatyna, kóptegen qıyndyqqa qaramastan, elimizdiń baıraǵyn bıiktetti. Bizde tolyp jatqan Olımpıada chempıony joq, sondyqtan Eldos batyrymyz qandaı qurmetke de laıyqty. Ózim aýyl sharýashylyǵymen aınalysatyndyqtan, 100 jylqy tartý etemin", - deıdi asyl tuqymdy jylqy asyraýmen aınalysatyn kásipker Anýar Aqmyrzauly.
