Qazaqstannyń Ulttyq Olımpıadalyq komıteti 1 tamyz kúni ótken 63,5 kelige deıingi salmaqta Muhammedsabyr Bazarbaıuly men grýzııalyq Lasha Gýrýlı arasyndaǵy jekpe-jektiń nátıjesin anyqtaýdy talap etip, PBU-ǵa (Paris Boxing Unit) resmı túrde apellıaııalyq shaǵym túsirdi. Bul týraly Qazaqstan Respýblıkasy UOK baspasóz qyzmeti málimdedi, dep habarlaıdy “Adyrna” ulttyq portaly.
«Qazaqstannyń UOK Muhammedsabyr Bazarbaıulynyń jekpe-jeginiń nátıjesine apellıaııalyq shaǵym túsirdi. Biz nátıjemen kelispeımiz jáne HOK-qa habarlaı otyryp, PBU-dan túsinikteme talap ettik. Bizdiń oıymyzsha, qazaqstandyq boksshy 2024 jylǵy Olımpıada oıyndarynyń jartylaı fınalyna shyǵý úshin mańyzdy jekpe-jekte jeńiske jetti.
Ótken matchtyń nátıjesine sholý jasaý múmkin emes ekenin túsinemiz. Degenmen, eń mańyzdy halyqaralyq jarysqa tórelik etý qalǵan sportshylar úshin ádil jáne beıtarap bolýyn talap etemiz», - dep túsindirdi QR UOK bas hatshysy Janar Ótesheva.
Eske salsaq, buǵan deıin QR UOK qazaq boksshylarynyń jekpe-jekterindegi jeke tóreshiler sanyna qatysty PBU-ǵa túsinikteme bergen. Ol qaraýǵa qabyldanyp, tergeý bastaldy.
