ABAIDYŊ KEZINDE INDETPEN QALAI KÜRESKENIMIZDI BILESIZDER ME?
(4-şı tomdyǧynda)
Abai özınıŋ ūly men kelının oquǧa şyǧaryp saluǧa Semei qalasyna kelgende, būl jaqta sūmdyq ındet taralyp halyq qyrylyp jatady. Abai män-jaiǧa qanyǧyp bolǧansoŋ Semeidıŋ ortalyq meşıtınıŋ imamy Sarymollaǧa baryp, halyqtyŋ şamadan tys şoǧyrlanyp jinalmauyn, kısı ölımı bolǧan jerlerge janaza men jetısı-qyrqyna molda men bırer tuysqanynan basqa adamdardyŋ qatyspauy jaily halyqqa ükım şyǧaruyn sūraidy. Sebebı, myna ındettı toqtatudyŋ bırden-bır joly osy ekendıgın orys dosynyŋ doǧdyr äielınen sūrap alǧan edı.
Jūma namazdan soŋ meşıt imamdary halyqqa "Būl qūdaidan kelgen synaq. Sondyqtan, būrynǧydan da köbırek mınäjat jasap, qaiyr-sadaqalaryn köbeitudı...." aityp tarqasa bastaǧanda, Sarymolla ornynan tūryp Abaidyŋ aitqandaryn halyqqa ösiet qylady. Indet tarqaǧanşa eşqandai ölım-jıtımge jinalmauǧa, meşıtke keludı doǧara tūruǧa, barynşa oqşaulanuǧa.
Bıraq, Sarymollaǧa özge moldalar qarsy kelıp "dınnen, ata-baba jolynan ainyǧan, Qūdaidyŋ ämırıne qarsy şyqqan" ǧa aparyp, bır moldaǧa bes molda qarsy kelıp aitysyp tarqaidy.
Bıraq, Abai men Sarymollanyŋ sözderı basym tüsıp, halyq janaza men jetısı-qyrqyna jinaludy qoiyp, ölgen üiden as ışudı doǧarady.
Söitıp jürgende Semei qalasyna aty şyqqan bır baidyŋ äkesı ındetten qaitys bolyp, älgı bai "Abai degen kım edı sonşa?! Ata-baba joly, dästürım..." dep janazasyna mal soiyp mol dastarhan jaiǧyzady. Bıraq, äkesınıŋ janazasyna özıne etene-jaqyn onşaqty bai-baǧlannan basqa eşkım kelmei qatty sastyrady. Äkesın jerlep kelıp, qalǧan bes-alty bailar otyryp "Äkemızdı osynşalyq masqaralyqpen jerleimız dep kım oilaǧan! Älgı, Abai degen oŋbaǧannyŋ şyǧaryp jürgenı... Būl qorlyǧyŋdy ūmytpaspyz! Sarymolla ekeuıŋdı me...!" desıp kıjınesıp, kek qaitaru jaǧyn oilasyp otyrǧan jerıne kelıp toqtadym.
Ooooou!
Aǧaiyndar! Bız älı künge sol qazaq ekenbız!
Özgergen eşteŋemız joq!
Abaidyŋ jazyǧy qazaqty ındetten aman alyp qalu üşın şyryldaǧany ma?!
Oǧan qastyq oilasardai ne jazyǧy bar edı? "Käpır orystyŋ" aitqan aqylyn elge jariialaǧany ma?
Qazır de däl solai jasyrynyp toi jasap, ūstalyp qalyp ştraf töleseŋ polisiiamen ükımettı qarǧap otyrǧan keiıpımız sol zamannan özgermegen nadandyǧymyz emespe?!
Vaksina alyp, toi-jiyndy toqtatyp, ındetten eldı aman qaludy nege oilanbaimyz? Vaksinasiiadan basqa eşqandai joly joq qūtylatyn. Sputnik, basqa dep taŋdaityn da tügı joq. Barlyǧy da bır mezette daiyn bolǧan vaksinalar.
Abai jolyn oqysaŋyzdar qazaqty da, özıŋızdıŋ bolmysyŋyzdy da tanisyzdar.
Rüstem ÄŞETAEVTYŊ
feisbuk paraqşasynan
Ūqsas jaŋalyqtar
