Atyraýda bet-júzin tumshalaǵan birneshe boıjetkenniń Qazaqstan týyn ózgertilgen nusqada ustaǵan fotosy áleýmettik jelide tarap, qoǵamnyń qyzý talqysyna tústi. Týdyń joǵarǵy bóligine arabsha jazý men qylysh beınesi qosylǵan, dep habarlaıdy "Adyrna" ulttyq portaly.
Oqıǵa Atyraýdaǵy Hıýaz Dospanova atyndaǵy Muz saraıynda bolǵan bolýy múmkin. Atyraý oblystyq polıııa departamentiniń málimetinshe, sýretke túsken tórt kúdikti anyqtalyp, olar polıııa bólimshesine jetkizilgen. Olardyń ekeýi – jasóspirim.
"Áleýmettik jelide taraǵan jazba boıynsha «Memlekettik rámizderdi qorlaý» babymen qylmystyq is tirkelip, sotqa deıingi tergeý amaldary júrgizilip jatyr. Jasóspirimderden jaýap alý ata-anasynyń qatysýymen júrgizilýde. Tergeý múddesine sáıkes ózge aqparat jarııalanbaıdy," – delingen polıııa habarlamasynda.
Prezıdent Qasym-Jomart Toqaev buǵan deıin ulttyq kıimder men ulttyq bolmys týraly pikir bildirgen bolatyn.
"Bet-júzdi tumshalaıtyn qara kıimnen góri ózimizdiń ulttyq kıimderimiz áldeqaıda artyq. Ásirese, áıelderdiń dástúrli kıimi óte ǵajap kórinedi. Sebebi ulttyq kıim – bul bizdiń biregeı ulttyq bolmysymyzdyń mańyzdy kórinisi. Ony jan-jaqty dáripteýimiz kerek," – degen edi Memleket basshysy Ulttyq quryltaıda.
Qazirgi tańda Qazaqstan Respýblıkasynyń memlekettik rámizderin qorlaý qylmystyq jaýapkershilikke tartylatyn áreket bolyp sanalady. Tergeý nátıjeleri boıynsha naqty sheshim qabyldanbaq.
