Nazarbaev qory KTK-nyń 1% akııasynan aıyryldy. Bul týraly Bes.media Telegram-arnasy jazdy, dep habarlaıdy «Adyrna» tilshisi.
«Almatynyń mamandandyrylǵan aýdanaralyq ekonomıkalyq soty Bostandyq aýdany prokýratýrasynyń «Kommerııalyq televızııalyq arna» AQ akııalarynyń 1%-yn syıǵa tartý shartyn jaramsyz dep taný týraly talabyn qanaǵattandyrdy. Bul úles buryn «MańǵystaýMunaıGazǵa», al sodan soń Nursultan Nazarbaev qoryna tıesili bolǵan»,– delingen habarlamada.
«MańǵystaýMunaıGaz» KTK-nyń 1% akııasyna ıe bolǵan kezde aýkıonda beıindi emes aktıvti satpaq bolǵan. Alaıda satyp alýshylar bolmaǵandyqtan, ol arnaǵa syıǵa tartylypty. Keıinnen bul akııa Nursultan Nazarbaev qoryna berilgen. Syıǵa tartý týraly kelisimge 2015 jyldyń 29 jeltoqsanynda qol qoıylǵan.
Bıyl Prokýratýra akııany tegin berýge bolmaıtynyn alǵa tartyp, sotqa júgingen.
2023 jyldyń 27 qazanynda sýdıa is boıynsha sheshim qabyldady.
«Almaty qalasy Bostandyq aýdany prokýratýrasynyń talap aryzy qanaǵattandyrylsyn. 2015 jyldyń 29 jeltoqsanynda «MańǵystaýMunaıGaz» AQ men «Kommercheskıı televızıonnyı kanal» AQ (KTK telearnasy — red.) arasyndaǵy kelisimshart jaramsyz dep tanylsyn», – dedi sýdıa Gaýhar Qasymbaeva.
Aıta keteıik, qos tarap sheshimge kelispegen jaǵdaıda bir aı ishinde apellıaııalyq shaǵym túsire alady.
