Bügın«Taza Qazaqstan» ekologiialyq aksiiasy aiasynda Ūlytau öŋırınde jalpyoblystyq aǧaş otyrǧyzu aksiiasy öttı.
Bügıngı tazalyq şarasynda öŋırdı kögaldandyruǧa basymdyq berılıp, «Bükılqazaqstandyq aǧaş egu künı» retınde ūiymdastyryldy. Aksiia barysynda oblys aumaǧynda 3000-nan asa aǧaş köşetı otyrǧyzyldy. Būl bastama öŋırdıŋ ekologiialyq jaǧdaiyn jaqsartuǧa, tabiǧatty qorǧauǧa jäne jasyl jelekter sanyn arttyruǧa baǧyttalǧan.
Köşetterdı memlekettık organdar men mekemelerdıŋ ökılderı, mäslihat deputattary, qoǧamdyq keŋes müşelerı, Qazaqstan halqy Assambleiasynyŋ ökılderı men jastar otyrǧyzdy. Nätijesınde Jezqazǧan qalasy «Nauryz» saiabaǧyndaǧy alleia jaŋa köşettermen tolyqty.
Sondai-aq oblysqa qarasty barlyq eldı mekende tal egu men tazalyq jūmystary ūiymdastyryldy. Aksiiaǧa 5500 adam men 1085 ūjym qatysty.
Aita keteiık, Memleket basşysynyŋ bastamasymen jüzege asyp jatqan «Taza Qazaqstan» aksiiasy - ekologiialyq mädeniettı damytudyŋ 2024–2029 jyldarǧa arnalǧan tūjyrymdamasynyŋ bölıgı.
Bastamanyŋ negızgı maqsaty – qoǧamnyŋ ekologiialyq mädenietın arttyru, tabiǧatqa ūqypty qarau ideiasyn keŋınen nasihattau.
Ūiymdastyruşylar men qatysuşylar būl şaranyŋ qorşaǧan ortany qorǧau mädenietın qalyptastyruda jäne jas ūrpaqqa ekologiialyq tärbie berude maŋyzy zor ekenın atap öttı.
