Bilim berý sapasyn arttyrýda mektepterdiń sapaly jáne zamanaýı oqý kabınetterimen qamtamasyz etilýi úlken ról atqarady. Aqmola oblysynda bilim berýdiń zamanaýı úrdisterin eskere otyryp, mektepterdiń oqý-materıaldyq bazasyna erekshe kóńil bólinedi.
Qazaqstan Respýblıkasy Prezıdentiniń saılaýaldy baǵdarlamasyn iske asyrýǵa sáıkes «Ádil Qazaqstan: barlyǵyna jáne barlyǵyna. Qazir jáne máńgi» óńirde mektepterdi jańa modıfıkaııadaǵy zamanaýı kabınettermen: fızıka, hımııa, bıologııa, robototehnıka jáne STEM kabınetterimen jaraqtandyrý jumystary júrgizilýde.
2023 jyly 432 mln teńgege osyndaı 50 kabınet satyp alyndy – bul 7 - hımııa, 9 – bıologııa, 21 – Fızıka, 8-Stem jáne 5-robototehnıka kabıneti.
Oqý kabınetteriniń jıyntyǵyna mamandandyrylǵan jıhaz, demonstraııalyq jáne zerthanalyq aspaptar, tehnıkalyq oqytý quraldary, mýltımedııalyq baǵdarlamalar, ınteraktıvti jabdyqtar jáne t.b. kiredi.
Búgingi tańda oblystyń 10 óńirindegi 15 kabınet boıynsha jetkizý tolyq kólemde aıaqtaldy.
Aǵymdaǵy jyly oblys mektepteri úshin jalpy somasy 400 mln.teńgeden asatyn 51 jańa modıfıkaııa kabınetin satyp alý kózdelgen.
Sonymen qatar, «Qazaqstan halqyna» qorynyń qarajaty esebinen oblystyń tirek aýyldyq mektepterine taǵy 50 oqý kabınetin satyp alý josparlanǵan.
