ءبىلىم بەرۋ ساپاسىن ارتتىرۋدا مەكتەپتەردىڭ ساپالى جانە زاماناۋي وقۋ كابينەتتەرىمەن قامتاماسىز ەتىلۋى ۇلكەن ءرول اتقارادى. اقمولا وبلىسىندا ءبىلىم بەرۋدىڭ زاماناۋي ۇردىستەرىن ەسكەرە وتىرىپ، مەكتەپتەردىڭ وقۋ-ماتەريالدىق بازاسىنا ەرەكشە كوڭىل بولىنەدى.
قازاقستان رەسپۋبليكاسى پرەزيدەنتىنىڭ سايلاۋالدى باعدارلاماسىن ىسكە اسىرۋعا سايكەس «ءادىل قازاقستان: بارلىعىنا جانە بارلىعىنا. قازىر جانە ماڭگى» وڭىردە مەكتەپتەردى جاڭا موديفيكاتسياداعى زاماناۋي كابينەتتەرمەن: فيزيكا، حيميا، بيولوگيا، روبوتوتەحنيكا جانە STEM كابينەتتەرىمەن جاراقتاندىرۋ جۇمىستارى جۇرگىزىلۋدە.
2023 جىلى 432 ملن تەڭگەگە وسىنداي 50 كابينەت ساتىپ الىندى – بۇل 7 - حيميا، 9 – بيولوگيا، 21 – فيزيكا، 8-Stem جانە 5-روبوتوتەحنيكا كابينەتى.
وقۋ كابينەتتەرىنىڭ جيىنتىعىنا مامانداندىرىلعان جيھاز، دەمونستراتسيالىق جانە زەرتحانالىق اسپاپتار، تەحنيكالىق وقىتۋ قۇرالدارى، مۋلتيمەديالىق باعدارلامالار، ينتەراكتيۆتى جابدىقتار جانە ت.ب. كىرەدى.
بۇگىنگى تاڭدا وبلىستىڭ 10 وڭىرىندەگى 15 كابينەت بويىنشا جەتكىزۋ تولىق كولەمدە اياقتالدى.
اعىمداعى جىلى وبلىس مەكتەپتەرى ءۇشىن جالپى سوماسى 400 ملن.تەڭگەدەن اساتىن 51 جاڭا موديفيكاتسيا كابينەتىن ساتىپ الۋ كوزدەلگەن.
سونىمەن قاتار، «قازاقستان حالقىنا» قورىنىڭ قاراجاتى ەسەبىنەن وبلىستىڭ تىرەك اۋىلدىق مەكتەپتەرىنە تاعى 50 وقۋ كابينەتىن ساتىپ الۋ جوسپارلانعان.
