Búgin - Maǵjan Jumabaevtyń týǵan kúni, dep habarlaıdy “Adyrna” ulttyq portaly.
Maǵjan Jumabaev 1893 jyly 25 maýsymda Soltústik Qazaqstan oblysynda ómirge kelgen.
Alash qozǵalysynyń qaıratkeri, aqyn, qazaq ádebıetiniń jaryq juldyzy Maǵjan 1909 jyly shyqqan Abaı óleńderin oqyp, “Ataqty aqyn, sózi altyn hakim Abaıǵa” degen óleń jazdy.
Ábilmaǵjan Jumabaev 1910 – 1913 jyldary Ýfa qalasyndaǵy “Ǵalııa” medresesinde bilim alyp, kórnekti jazýshy Beıimbet Maılınmen tanysady.
Maǵjan Jumabaevtyń aqyn retinde 1912 jyly tanyla bastaǵan. Sol jyly Qazan qalasyndaǵy Kárimovter baspasynda Jumabaevtyń “Sholpan” atty tuńǵysh óleńder jınaǵy basylyp shyǵady. “Sadaq” jýrnalyn shyǵarýǵa qatysady, oǵan óziniń óleńderin jarııalaıdy.
1913 – 1916 jyldary Omby muǵalimder semınarııasynda oqyp, “Birlik” uıymy jumysyna belsene aralasyp, “Balapan” qoljazba jýrnalyn shyǵarýǵa qatysady.
Araǵa biraz jyl salyp Álıhan Bókeıhan, Ahmet Baıtursynuly, Mirjaqyn Dýlatuly sekildi alash qaıratkerlerimen baılanys ornatyp, “Qazaq” gazetine óz óleńderin jarııalaıdy.
1917 jyly Aqpan tóńkerisinen keıin qalyptasqan saıası jaǵdaıǵa saı qoǵamdyq ómirge belsene aralasqan.
Maǵjan Jumabaev “Alash” partııasynyń Aqmola oblysynyń komıtetiniń múshesi boldy. Múshelik etken ýaqytynda “Úsh júz” partııasy ókilderiniń jalǵan aıyptaýymen bir aıǵa jýyq abaqtyǵa otyryp shyqty. Ekinshi jalpyqazaq sezine delegat retinde qatysyp, onda oqý máselesi boıynsha qurylǵan komıssııaǵa tóraǵalyq etti.
“Men jastarǵa senemin!” dep urandatqan Maǵjan 1918 – 1919 jyldary Petropavl ýezdik poemasy “Batyr Baıandy” jazyp, jaryqqa shyǵarady.
Ol 1938 jyly qaıtadan qamaýǵa alynyp, atý jazasyna kesildi.
